Studenty Bieraściejskaha ŭniversytetu paprakajuć strohaha vykładčyka i bajkatujuć jahonyja lekcyi.
U Bieraści na minuły tydni pakončyŭ žyćcio samazabojstvam student 4 kursu histaryčnaha fakulteta Bieraściejskaha dziaržaŭnaha ŭniviersiteta. Chłopiec byŭ znojdzieny paviešanym u kvatery, dzie pražyvaŭ. Siarod studentaŭ fakulteta pajšli hutarki, što zdolny i staranny chłopiec u apošni čas vielmi chvalavaŭsia ŭ suviazi z prablemami, jakija skłalisia ŭ jaho z adnym z samych strohich i nialubych vykładčykaŭ histaryčnaha fakulteta. Jon ź ciažkaściu zdaŭ jamu zalik u minułym siemiestry (z čaćviertaha razu), a ŭ hetym čakaŭ ekzamien, na jakim vykładčyk jaho moh lohka zavalić (i pra heta kazaŭ). U studenckim asiarodździ fakt samazabojstva 21-hadovaha maładoha čałavieka atrymaŭ emacyjny rezanans. Adnakurśniki ličać, što mahčyma staŭleńnie da jaho vykładčyka i stała apošniaj kroplaj. Dajšło da taho, što zaraz studenty majuć namier bajkatavać lekcyi hetaha vykładčyka, jany napisali adpaviednuju zajavu na imia rektara. Na niekatory čas lekcyi hetaha vykładčyka vykreślili z raskładu.
Kamientary