Студэнты Берасьцейскага ўнівэрсытэту папракаюць строгага выкладчыка і байкатуюць ягоныя лекцыі.
У Берасці на мінулы тыдні пакончыў жыццё самазабойствам студэнт 4 курсу гістарычнага факультэта Берасцейскага дзяржаўнага ўніверсітэта. Хлопец быў знойдзены павешаным у кватэры, дзе пражываў. Сярод студэнтаў факультэта пайшлі гутаркі, што здольны і старанны хлопец у апошні час вельмі хваляваўся ў сувязі з праблемамі, якія склаліся ў яго з адным з самых строгіх і нялюбых выкладчыкаў гістарычнага факультэта. Ён з цяжкасцю здаў яму залік у мінулым семестры (з чацьвертага разу), а ў гэтым чакаў экзамен, на якім выкладчык яго мог лёгка заваліць (і пра гэта казаў). У студэнцкім асяроддзі факт самазабойства 21-гадовага маладога чалавека атрымаў эмацыйны рэзананс. Аднакурснікі лічаць, што магчыма стаўленне да яго выкладчыка і стала апошняй кропляй. Дайшло да таго, што зараз студэнты маюць намер байкатаваць лекцыі гэтага выкладчыка, яны напісалі адпаведную заяву на імя рэктара. На некаторы час лекцыі гэтага выкладчыка выкрэслілі з раскладу.
Цяпер чытаюць
Трамп запрасіў Лукашэнку ўвайсці ў Раду міру па Газе38
Каментары