Viadučy pieradačy «Prohramma O» na pieršym nižnievartaŭskim telekanale pravioŭ akcyju salidarnaści z rasijskimi ŭładami, jakija vyrašyli vyniščać usie zamiežnyja sankcyjnyja pradukty. U jakaści asnoŭnych achviaraŭ jon vyrašyŭ uziać chamon i syr. Ale chamonu jon u kramie nie znajšoŭ, tamu ŭziaŭ kavałak zvyčajnaj śvininy i padpisaŭ jaho pa-ispansku Jamon.
A voś francuzski syr «Sirtaki» dla sałataŭ jon znajšoŭ. «Akazvajecca, jon zrobleny ŭ Francyi. Jak jon trapiŭ siudy, ja nie viedaju. Ale smačny. Vy nie hladzicie, što jon adkryty, tam jość trochi. Prosta ŭ pracesie padrychtoŭki da zdymak źjeli pałovu. Nu, smačny. Ja jaho bolš jeści nie budu», — kaža aŭtar videa.
Tonki «trolinh» rasijskich uładaŭ asabliva adčuvajecca ŭ hetaj frazie: «Škada, što pakul u Nižniavartaŭsku niama ruchomych krematoryjaŭ. Spadziajusia, što chutka jany źjaviacca, i zmožam nie tak voś kustarna, jak ja zaraz rablu, a masava spalvać pradukty».
«U mianie vielmi mała hrošaj, ja b heta ŭsio i sam źjeŭ. Ale vydzieliŭ, kupiŭ heta, kab spalić, tamu što ja padtrymlivaju ŭłady, i my padymiem Rasiju kali-niebudź z kalen», — kaža viadučy naprykancy fiejeryčnaha videa.
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary