Dziciaci, jakoje naradziłasia ŭ Ivacevičach u siamji invalidaŭ, šukajuć apiekuna

Orhany apieki Ivacevickaha rajona ŭsio jašče nie pryniali rašeńnie pra dalejšy los Kości — chłopčyka, jakoha 21 lipienia naradziła invalid 1-j hrupy Hanna Bachur. Jak rastłumačyli TUT.BY ŭ rajonnym adździele adukacyi, na dadzieny momant užo jość adzin kandydat na apiakunstva.

Pavialičyć

21 žniŭnia Hannu i Kościu Bachur u Ivacevickaj CRB znoŭ naviedvali daktary. Hetym razam pryjechali śpiecyjalisty ź Minska. Jak paviedamiła hałoŭny piedyjatr Ministerstva achovy zdaroŭja Valancina Vaŭčok, jakaja była adnym z členaŭ delehacyi, staličnyja lekary pryjšli da takoha ž mierkavańnia, što i ich rajonnyja kalehi. Dyjahnazy Hanny i jaje muža Anatola padpadajuć pad pieralik zachvorvańniaŭ, zaćvierdžany Ministerstvam achovy zdaroŭja, pry jakich jany nie mohuć vykonvać baćkoŭskija abaviazki. Nahadajem, u Hanny — pryrodžanaja anamalija kaniečnaściaŭ, u Anatola — DCP. Aboje majuć pieršuju hrupu invalidnaści.

U toj ža samy čas Valancina Vaŭčok padkreśliła, što pytańnie dalejšaha losu dziciaci treba budzie vyrašać orhanam apieki. «U našu kampietencyju nie ŭvachodziać takija rašeńni», — patłumačyła surazmoŭca.

Namieśnik staršyni Ivacevickaha rajvykankama Alaksandr Vielikasielec, jaki kuryruje pytańni sacyjalnaj śfiery, paviedamiŭ TUT.BY, što na dadzieny momant u rasparadžeńni orhanaŭ apieki majecca tolki zaklučeńnie lekarska-kansultacyjnaj kamisii Ivacevickaj CRB ab tym, što ŭ Hanny i Anatola zachvorvańni, pry jakich baćki nie ŭ stanie vykonvać svaje abaviazki. Tamu praciahvajecca rabota pa padbory apiekuna dla małoha.

Načalnik adździeła adukacyi, sportu i turyzmu rajvykankama Mikałaj Vińničak raspavioŭ, što ciapier jość adzin kandydat, jaki hatovy aformić apieku nad Kościem. Adnak jakaja-niebudź infarmacyja pra asobu hetaha čałavieka pakul nie vydajecca.

Baćki chłopčyka Hanna i Anatol Bachur raniej u hutarcy z TUT.BY kateharyčna admovilisia pieradavać svajho syna apiekunu. Muž i žonka nastojvali, što mohuć vykonvać baćkoŭskija abaviazki i spraviacca z vychavańniem dziciaci.

Rajonnyja ŭłady pavinny vyznačyć dalejšy los Kości da 5 vieraśnia. Pakul heta pytańnie nie vyrašycca, mama z synam buduć znachodzicca ŭ piedyjatryčnym adździaleńni Ivacevickaj CRB.

Nahadajem, 19 žniŭnia Hannu Bachur naviedała ministr sacabarony Maryjana Ščotkina.

«Situacyja vielmi niestandartnaja. Ale naohuł, jakaja b ni była narmatyŭna-pravavaja baza, kožnuju situacyju treba razhladać indyvidualna. Tamu tut jakraz toj vypadak, kali treba pryjechać i pahladzieć na miescy. Mahu skazać, što hetaja žančyna matyvavanaja na maciarynstva i razłučać jaje ź dziciom nielha. Treba zrabić usio, kab dzicia zastałosia ŭ svajoj siamji. U jaho jość baćki. Dzicia heta čakanaje. Jany jaho lubiać. I, viadoma, treba i dapamahać. Važna, kab jany mahli ažyćciaŭlać dohlad, kab dzicia było ŭ biaśpiecy», — cytavała ministra BiełTA.

• 0
• 0
• 0
• 0
• 0
• 0