Zahinuły va Ukrainie biełarus Aleś Čarkašyn byŭ kapiełanam dobraachvotnikaŭ
Ina, dziaŭčyna zahinułaha biełarusa, raspaviała, što Aleś Čarkašyn dałučyŭsia da dobraachvotnickaha atrada amal ad samoha pačatku bajavych dziejańniaŭ. Va Ukrainie jon vučyŭsia ŭ Chiersonie ŭ Biblejskim instytucie. Na vajnie staŭ kapiełanam dobraachvotnikaŭ.
«Heta byŭ čałaviek ź vialikaj litary, čałaviek-abaronca, ź jakim zaŭždy było ciopła. Ja zaŭždy adčuvała abaronu i spakoj na dušy. Jon słužyŭ Bohu i byŭ božym dziciom. Ja viedaju, što jon ciapier z Boham na niabiosach.
Heta byŭ mirny čałaviek, jaki zahinuŭ za ŭsich nas. Nie zvažajučy na toje, što jon biełarus, jon usich lubiŭ — i Ŭkrainu, i Biełaruś, usich ludziej lubiŭ. Jon zaŭždy zmahaŭsia za spraviadlivaść.
Jon nios ludziam Jevanhielle, pierabyvaŭ z tymi ludźmi, jakija tam, na vajnie. Jany ŭsie razam malilisia: idziem da pieramohi i vierym u pieramohu razam z Boham. Ciapier nie stała Sašy».
Ina pryjechała da Tarasa dva dni tamu ź Ivana-Frankoŭska, dzie jany paznajomilisia ŭ sakaviku. Apošnija chviliny jahonaha žyćcia jana praviała ź im razam.
33-hadovy biełarus, były staršynia bieraściejskaj haradzkoj arhanizacyi BCHD Alaksandr Čarkašyn vajavaŭ u składzie Dobraachvotnaha ŭkrainskaha korpusa Pravaha siektaru. 10 žniŭnia jon byŭ ciažka paranieny ŭ bai pad Biełakamienkaj u Danbasie i pamier u špitali ŭ Zaparožžy paśla niekalkich tydniaŭ komy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary