«Biełsat»: Z KDB zvanili mamie Alesia Čarkašyna, u morh i rasparadčyku mohiłak
Jak paviedamili belsat.eu siabry Alesia Čarkašyna, śpiecsłužby Biełarusi telefanujuć maci zabitaha va Ukrainie bieraściejca i pytajucca, čamu jahonaje pachavańnie pieratvaryłasia ŭ niesankcyjanavanaje mierapryjemstva.
Učora ŭ Bieraści pachavali Alesia Čarkašyna, ale śpiecsłužby nie pakinuli maci hieroja, jaki zahinuŭ, navat u dzień pachavańnia. Učora joj patelefanavali z KDB i chacieli parazmaŭlać pra dziejnaść Alesia va Ukrainie. Ad razmovy žančyna admoviłasia.
Siońnia Śviatłanu Čarkašynu znoŭ paturbavaŭ zvanok z KDB. Hetym razam pracaŭnikoŭ śpiecsłužbaŭ cikaviła dva pytańni: čamu pachavańnie jejnaha syna pieratvarylisia ŭ masavaje niesankcyjanavanaje mierapryjemstva i chto daŭ dazvoł na pachavańnie Alesia na mohiłkach Kamianicy-Žyravieckaj.
Taksama pačalisia pravierki ŭ trupiarni, dzie znachodziłasia cieła Alesia pierad pachavańniem, pracaŭnikoŭ trupiarni abvinavačvajuć u tym, što jany niezakonna vydali cieła Čarkašyna dla pachavańnia. Pradstaŭniki śpiecsłužbaŭ cisnuć i na kiraŭnictva ŽKH Bieraściejskaha rajonu, kab daviedacca, na jakoj padstavie vydzielili ziamlu dla pachavańnia Alesia na mohiłkach Kamianicy-Žyravieckaj.
Kamientary