Sankcyi suprać naftavaha i finansavaha siektaraŭ iranskaj ekanomiki mohuć admianić na praciahu pieršych troch miesiacaŭ 2016 hoda. Pra heta paviedamiła ŭ paniadziełak infarmacyjnaje ahienctva Bloomberg.
Pa źviestkach čatyroch jaho dypłamatyčnych krynic, «naftavyja i finansavyja sankcyi suprać Irana, vierahodna, buduć źniatyja na praciahu troch pieršych miesiacaŭ 2016».
Troje z krynic ahienctva adznačyli, što ŭsie nieabchodnyja dla praviadzieńnia nazvanych pravierak apieracyi, chutčej za ŭsio, buduć zavieršany da studzienia abo lutaha 2016 hoda. Adzin z dypłamataŭ ličyć, što pracu skončać ŭ sakaviku.
U Vienie 14 lipienia 2015 byŭ uzhodnieny vynikovy Sumiesny ŭsioabdymny płan dziejańniaŭ pa iranskaj jadziernaj prahramie. U abmien na źniaćcie sankcyj Iran abaviazaŭsia nie vyrablać zbrojevy płutonij, pieraabstalavać jadziernyja abjekty i vykarystoŭvać ich vyklučna ŭ mirnych metach. Zbrojevaje embarha, uviedzienaje SB AAN, i zabarona na pastaŭku ŭ Iran technałohij balistyčnych rakiet buduć zachavany na praciahu niekalkich hadoŭ, a ekśpierty MAHATE buduć pravodzić manitorynh jadziernych abjektaŭ na praciahu 25 hadoŭ. Pry parušeńni ŭmovaŭ pahadnieńnia sankcyi ŭ dačynieńni da Irana mohuć być adnoŭlenyja.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary