Prezident Rasii Uładzimir Pucin i były premjer Italii Silvijo Bierłuskoni 11 vieraśnia prahulalisia pa centralnaj nabiarežnaj Jałty. Jany ažyŭlena abmieńvalisia replikami z udziełam pierakładčyka. Ludzi aktyŭna fatahrafavali abodvuch palitykaŭ.
Jak piša ŭ svaim Twitter karespandent «Komsomolskoj pravdy» Dźmitryj Śmirnoŭ, Pucin pacisnuŭ ruki niekalkim prysutnym, a taksama sfatahrafavaŭsia z maleńkaj dziaŭčynkaj.
Bierłuskoni ŭśled za Pucinym taksama sfatahrafavaŭsia z maleńkaj dziaŭčynkaj.
Potym italjaniec padyšoŭ da adnaho z mužčyn na nabiarežnaj i, pakazaŭšy na jaho žyvot, z uśmieškaj skazaŭ pa-anhlijsku: «Zanadta vialiki!». Mužčyna nie razhubiŭsia i adkazaŭ: «Ja čałaviek paŭnočny, a vy paŭdniovy».
Adzin z prysutnych źviarnuŭsia da Pucina z prośbaj dałučycca da kampanii pa abaronie jałcinskich parkaŭ. «Dobra, ja abaviazkova dałučusia», — adkazaŭ Pucin.
Raniej palityki pradehustavali krymskija viny ŭ Masandry.
Akramia taho, Pucin prapanavaŭ raźbić u Krymie park z pomnikam italjanskim sałdatam, jakija vajavali na paŭvostravie ŭ siaredzinie XIX stahodździa.
Siabroŭskija adnosiny, jakija Pucin i Bierłuskoni nie chavajuć, sfarmavalisia ŭ pieryjad, kali apošni uznačalvaŭ saviet ministraŭ Italii. Adnak jany nie pierapynilisia i paśla jaho adstaŭki ŭ 2011 hodzie. U kancy červienia 2015 hoda palityki razam adpačyvali na Ałtai.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary