Alaksandru Łukašenku dadziena hanarovaje prava vystupić u pieršy dzień ahulnaj dyskusii Hienieralnaj asamblei AAN 28 vieraśnia ŭ Ńju-Jorku. Pra heta zajaviŭ u intervju BiełTA pastajanny pradstaŭnik Biełarusi pry AAN Andrej Dapkiunas.
Jubilejnaja 70-ja siesija HA AAN adbudziecca adrazu paśla Samitu AAN dla pryniaćcia paradku dnia raźvićcia na pieryjad paśla 2015 hoda (25—27 vieraśnia). Siesija Hienasamblei pačniecca z ahulnaj dyskusii 28 vieraśnia, dzie vystupić kiraŭnik Biełarusi.
«Pakolki suśvietnyja lidary, jakija pryjazdžajuć u Ńju-Jork, u svajoj bolšaści ŭdzielničajuć i ŭ samicie, i ŭ ahulnaj dyskusii Hienieralnaj asamblei, tym bolš, što ŭ hetym hodzie abodva mierapryjemstvy pryśviečany adnoj temie, to my majem padstavy kazać ab samicie AAN 2015 jak pra bolš praciahłuju, čym try dni, mahčymaści dla kamunikacyi, dyjałohu i ŭzajemadziejańnia suśvietnych lidaraŭ», — adznačyŭ Dapkiunas.
Pavodle jaho słoŭ, značeńnie samitu nie abmiažoŭvajecca vyznačanym dla jaho paradkam dnia.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ13
Kamientary