Stała viadoma asoba biełarusa, jakoha padazravajuć u vybuchu ŭ Chanty-Mansijsku
Zatrymany ŭ Rasii — 48-hadovy hramadzianin Biełarusi Andrej Sakałoŭski-Stankievič, piša «Baza».
Pavodle blizkaha da rasijskich siłavikoŭ telehram-kanała, za padrychtoŭku dyviersii ŭ Chanty-Mansijsku byŭ zatrymany 42-hadovy rasijanin Andrej Kijaška, jaki naradziŭsia va Ukrainie, a ŭ 2020 hodzie jon atrymaŭ rasiejskaje hramadzianstva. Jon pracavaŭ u naftavaj kampanii, jakaja zajmajecca ramontam śvidravin.
Pavodle viersii śledstva, bombu ŭ domie na Pramysłovaj vulicy Kijaška źbiraŭ razam z 48-hadovym hramadzianinam Biełarusi Andrejem Sakałoŭskim-Stankievičam. Mužčyna, jak i Kijaška, pracavaŭ u naftavaj śfiery. Na staroncy biełarusa ŭ sacsietkach paznačana, što jon žyvie ŭ rasijskim Nižniavartaŭsku.
Pavodle infarmacyi krynic, Kijaška i Sakałoŭski-Stankievič źniali kvateru 10 krasavika.
U kvatery jany źbirali vybuchoŭku, z dapamohaj jakoj chacieli padarvać rasijskaha vajskoŭca. Padčas zborki pryłada zdetanavała — adbyŭsia mahutny vybuch, jaki razburyŭ niekalki kvater, piać čałaviek paciarpieli, uklučajučy zborščykaŭ bomby.
Kijaška i Sakałoŭski-Stankievič zatrymanyja, razam ź imi pa spravie prachodzić hramadzianin Małdovy, jaki pryvioz u Rasiju kampanientnyja vybuchovaha prystasavańnia, piša «Baza».
Kamientary