MZS Ukrainy zajaviŭ, što zakliki rasiejskich aficyjnych asob nie pryznavać Haładamor 1930‑ch hienacydam «niesumiaščalnyja z deklaravanym stratehičnym partnerstvam dvuch krain».
U adkaz na zvarot pradstaŭnika Rasiei da siabraŭ AAN aficyjny Kijeŭ zajaviŭ, što takaja pazycyja «padryvaje vieru ŭ ščyraść takich deklaracyj z boku Rasiei».
«Vystupajučy na siomaj sesii Rady AAN pa pravach čałavieka, pradstaŭnik Rasiei čarhovy raz zaklikaŭ AAN ŭstrymacca ad kvalifikacyi masavaha hoładu 1930‑ch va Ŭkrainie —Haładamora — jak hienacydu ŭkrainskaha narodu. Va Ŭkrainie heta było ŭspryniata z abureńniem», — havorycca ŭ kamentary pres‑słužby MZS.
Kijeŭ ličyć takija zajavy «ničym inšym, jak cyničnaj sprobaj prynizić i źniasłavić pamiać našych zakatavanych hoładam bratoŭ i siaścior, ścierci navat napamin pra hetu žachlivuju staronku kryvavaha letapisu kamunistyčnaha tatalitarnaha režymu.
Nahadajem, što ŭ listapadzie 2006 hodu haładamor byŭ pryznany hienacydam Viarchoŭnaj Radaj Ukrainy. Pazycyju parlamentu padtrymali 12 krain.
Kamientary