МЗС Украіны заявіў, што заклікі расейскіх афіцыйных асоб не прызнаваць Галадамор 1930‑х генацыдам «несумяшчальныя з дэкляраваным стратэгічным партнэрствам двух краін».
У адказ на зварот прадстаўніка Расеі да сябраў ААН афіцыйны Кіеў заявіў, што такая пазыцыя «падрывае веру ў шчырасьць такіх дэклярацый з боку Расеі».
«Выступаючы на сёмай сэсіі Рады ААН па правах чалавека, прадстаўнік Расеі чарговы раз заклікаў ААН ўстрымацца ад кваліфікацыі масавага голаду 1930‑х ва Ўкраіне —Галадамора — як генацыду ўкраінскага народу. Ва Ўкраіне гэта было ўспрынята з абурэньнем», — гаворыцца ў камэнтары прэс‑службы МЗС.
Кіеў лічыць такія заявы «нічым іншым, як цынічнай спробай прынізіць і зьняславіць памяць нашых закатаваных голадам братоў і сясьцёр, сьцерці нават напамін пра гэту жахлівую старонку крывавага летапісу камуністычнага таталітарнага рэжыму.
Нагадаем, што ў лістападзе 2006 году галадамор быў прызнаны генацыдам Вярхоўнай Радай Украіны. Пазыцыю парлямэнту падтрымалі 12 краін.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары