Staršynia Centralnaj vybarčaj kamisii Lidzija Jarmošyna ŭ sankcyjnym śpisie Jeŭrasajuza z 2004 hoda. ES admoviŭ joj va ŭjeździe paśla refierendumu, jaki ŭnios źmieny ŭ Kanstytucyju i źniaŭ abmiežavańni na abrańnie adnoj i toj ža asoby prezidentam bolš za dva razy.
Kiraŭnica CVK nie raz pryznavałasia, što maryć ubačyć Paryž. Razam z tym, jana dumała, što kali ź jaje i zdymuć sankcyi, to ŭ toj momant, kali heta nie budzie mieć dla jaje značeńnia. «Naprykład, kali ja pajdu na piensiju», — kazała Jarmošyna ŭ pačatku 2015 hoda.
Hetyja aściarohi nie apraŭdalisia. Lidzija Michajłaŭna ŭsio jašče na pasadzie, a Rada ES maje namier prypynić sankcyi suprać Biełarusi. TUT.BY pacikaviŭsia ŭ kiraŭnika CVK, ci płanuje jana adpačynak u Jeŭropie.
— Sankcyi ž prypyniajuć tolki na 4 miesiacy. Naŭrad ci ŭ asieńnie-zimovy pieryjad ja mahu što-niebudź płanavać.
Kali pa skančeńni 4 miesiacaŭ Jeŭrasajuz nie adnović sankcyi, Lidzija Jarmošyna nie vyklučyła, što padumaje pra pajezdku na zachad ad Biełarusi.
— Moža być, viasnoj vaźmu i pabaču Rym. Tam užo budzie ciopła ŭ hety čas, — skazała jana, dadaŭšy: — Ja nie dumaju, što ja ŭśviadomiła heta ŭsio da kanca dla siabie asabista. Ja pad sankcyjami ŭžo 11 hadoŭ. Dla mianie heta ŭžo chutčej zvyčka, i ja nie ŭsprymaju heta vostra. Samaje hałoŭnaje, kab byli palepšanyja ekanamičnyja i palityčnyja adnosiny našaj krainy z upłyvovymi mižnarodnymi partniorami.
Lidzija Jarmošyna pryznałasia, što radujecca ŭ pieršuju čarhu za Biełaruś, a nie za siabie asabista.
— Ja čałaviek va ŭzroście, ja mahu dazvolić sabie raskošu być altruistam i dumać, pierš za ŭsio, pra los radzimy. Ja vielmi radaja, što sankcyi suprać Biełarusi prypynili. Bo heta škoda nie asobnamu čynoŭniku, heta škoda viedamstvu, biźniesu. Tamu kali ja i zasmučałasia z nahody padaŭžeńnia sankcyj, to tolki z hetaha punktu hledžańnia.
Kamientary