Na kartačny rynak Biełarusi, imavierna, pryjduć sistema American Express i adna z azijackich płaciežnych sistem, śviedčać danyja Nacyjanalnaha banka.
«Ź vialikaj dolaj imaviernaści na emisijny siehmient kartačnaha rynku Biełarusi pryjdzie American Express — adpaviednyja mierapryjemstvy, skiravanyja na pačatak emisii kartak hetaj sistemy, užo pravodziacca adnym ź biełaruskich bankaŭ», — infarmujuć śpiecyjalisty hałoŭnaha banka krainy ŭ artykule, apublikavanym u časopisie «Bankovskij viestnik» Nacbanka.
Akramia taho, čakajecca, što na biełaruski rynak płastykavych kart vyjdzie adna z azijackich płaciežnych sistem. «Ale heta kitajskaja UnionPay ci japonskaja JCB, budzie zaležać ad aktyŭnaści samich sistem, bo rynak hatovy da pracy ź imi, i pieršaj vyjdzie taja, jakaja prapanoŭvaje bankam najbolej cikavyja ŭmovy jak z punktu hledžańnia cenavych charaktarystyk, tak i z punktu hledžańnia technałahičnych rašeńniaŭ», — adznačajuć pradstaŭniki Nacbanka.
Ciapier emitujuć płastykavyja kartki mižnarodnych płaciežnych sistem Visa i MasterCard, a taksama nacyjanalnaj płaciežnaj sistemy «Biełkart».
Pavodle danych Nacyjanalnaha banka, na 1 lipienia 2015 hoda ŭ abarocie znachodziłasia 12,26 młn. płaciežnych kartak. Pry hetym dola rublovych kartak skłała 96,1%, valutnych — 3,9%. Dla paraŭnańnia: na 1 studzienia 2011 hoda ŭ abarocie znachodziłasia 9,95 młn. kartak, u tym liku 98,3% rublovych, 1,7% valutnych.
Na dolu debietavych na 1 lipienia prypadała 98,4% płaciežnych kartak, jakija znachodzilisia ŭ abarocie, na dolu kredytnych — 1,6% kartak.
Treba taksama adznačyć, što dola aktyŭnych kartak u Biełarusi, heta značyć tych, jakimi karystalisia chacia b adzin raz za kvartał, na 1 lipienia 2015 hoda składała 63% ad ahulnaj kolkaści.
Pobač z Łukašenkam na chakiei źjaviłasia novaja pryhažunia8
Kamientary