U MUS nakiravany kalektyŭny zvarot ab spynieńni katavańniaŭ Andreja Bandarenki

Hrupa hramadzian Biełarusi nakiravała u departamient vykanańnia pakarańniaŭ (DVP) MUS adkryty zvarot ab spynieńni katavańniaŭ u adnosinach da pravaabaroncy Andreja Bandarenki.Andrej Bandarenka — stvaralnik ustanovy «Płatform inaviejšn», jakaja zajmajecca abaronaj pravoŭ čałavieka ŭ miescach pazbaŭleńnia voli.

12 žniŭnia 2014 hoda sud Kastryčnickaha rajona Minska pryznaŭ jaho vinavatym va ŭčynieńni chulihanstva, złosnaha chulihanstva i asabliva złosnaha chulihanstva (čč. 1, 2 i 3 art. 339 KK) u dačynieńni da troch hramadzian. Bandarenku pryhavaryli da čatyroch hadoŭ pazbaŭleńnia voli ŭ kałonii ŭzmocnienaha režymu, ale ŭ suviazi z amnistyjaj termin byŭ skaročany da troch hadoŭ.

Źmiest zvarotu apublikavała ŭ «Fejsbuku» pravaabaronca Hanna Šapućka. 

Jak zaznačajecca ŭ zvarocie, rodnym i siabram Bandarenki stała viadoma, što paśla taho, jak 5 kastryčnika zakončyŭsia termin jaho utrymańnia u pamiaškańni kamiernaha typu škłoŭskaj kałonii, u dyčynieńni da pravaabaroncy adrazu «raspačalisia pravakacyi z boku zekaŭ kałonii i z boku administracyi kałonii».

U razmovie z baćkam Bandarenka paviedamiŭ, što znoŭ, jak heta ŭžo było ŭ babrujskaj kałonii, jaho «sprabujuć prymusić žyć pa niečałaviečych zakonach kryminalnaha śvietu, sprabujuć maralna źniščyć, rastaptać čałaviečy honar i hodnaść, uvieś čas robiacca sproby biespadstaŭna źmianić jaho «niefarmalny status», havorycca ŭ zvarocie.

«U adkaz na katavańni, pravakacyi, Andrej Bandarenka abviaściŭ biesterminovuju haładoŭku. Hramadstva ŭžo nie raz źviartałasia i da departamienta vykanańnia pakarańniaŭ, da Hienieralnaj prakuratury z patrabavańniem navieści paradak u pienitencyjarnaj sistemie Biełarusi, spynić katavańni viaźniaŭ (pa spravie palitviaźniaŭ Źmitra Daškieviča, Mikoły Aŭtuchoviča, Andreja Sańnikava i inš.), ale ž, jak my bačym, katavańni, prynižeńni pravakacyi praciahvajucca, ničoha nie mianiajecca, pravy čałavieka parušajucca samym cyničnym, biesčałaviečnym čynam», — pišuć aŭtary zvarotu.

Jany jašče raz zaklikali DVP i Hienprakuraturu «spynić katavańni ŭ turmach, kałonijach, spynić katavańni palitviaźnia-pravaabaroncy Andreja Bandarenki».

«My patrabujem navieści paradak u pienitencyjarnaj sistemie Biełarusi, prykłaści ŭsie namahańni, kab u biełaruskich turmach i kałonijach źniavolenyja žyli pa zakonach Respubliki Biełaruś, a nie pa zakonach kryminalnych aŭtarytetaŭ, dzikunskich zakonach stalinskaha HUŁAHu», — adznačajecca ŭ zvarocie.

Jaho aŭtary nahadvajuć, što ŭ adpaviednaści z Kanstytucyjaj Biełarusi «nichto nie pavinien zaznavać katavańni, žorstkaje, biesčałaviečnaje abo takoje abychodžańnie ci pakarańnie, jakoje prynižaje jaho hodnaść». Artykuł 10 Kryminalna-vykanaŭčaha kodeksa taksama praduhledžvaje, što «asudžanyja nie pavinny zaznavać žorstkaje, biesčałaviečnaje ci takoje abychodžańnie, jakoje prynižaje ich hodnaść». 

Kali katavańni ŭ dačynieńni da Andreja Bandarenki, jakoha mnohija ŭ Biełarusi ličać palitviaźniam, nie spyniacca, jaho rodnyja i pradstaŭniki hramadstva źviernucca ŭ Kamitet pa pravach čałavieka AAN.

Siarod tych, chto padpisaŭ kalektyŭny zvarot, — rodnyja Andreja Bandarienki, a taksama pravaabaroncy Hanna Šapućka, Aleh Vołčak, Maryna Adamovič, Ihar Lednik, palityki Mikoła Statkievič, Dźmitryj Daškievič, Pavieł Sieviaryniec i inšyja viadomyja ŭ krainie hramadskija aktyvisty.

• 0
• 0
• 0
• 0
• 0
• 0
• 0
• 0