Chviedaruk: Budziem padavać skarhu i na dziejańni milicyi, i na niezakonnaje rašeńnie suda, i na zajavu ministra
Adzin z zatrymanych za šalik z «Pahoniaj» zaŭziataraŭ na matčy Biełaruś — Makiedonija Źmicier Chviedaruk zajaviŭ, što źbirajecca padavać skarhu na niezakonnyja dziejańni milicyi, niezakonnaje rašeńnie suda ŭ dačynieńni da spravy ab «łajancy matam i ałkaholnym apjanieńni», a taksama na abrazu z boku ministra ŭnutranych spraŭ RB Ihara Šunieviča, paviedamlaje »Presboł» sa spasyłkaj na «Biełhazietu».
«Ja vierujučy čałaviek, i naohuł nie vykarystoŭvaju maciukalnych słoŭ u razmovie i nie ŭžyvaju ałkahol — heta mohuć paćvierdzić usie maje znajomyja. Tamu mnie było vielmi kryŭdna, što ministr abvinavaciŭ mianie ŭ znachodžańni niećviarozym u publičnym miescy — u internecie ž heta mahło pračytać šmat ludziej!
Słovam, ja ŭsprymaju takija słovy jak vialikuju abrazu z boku čałavieka, jaki zajmaje takuju vysokuju dziaržaŭnuju pasadu. My źbirajemsia padavać skarhu i na dziejańni supracoŭnikaŭ milicyi, i na niezakonnaje rašeńnie suda, jaki vypisaŭ nam štraf u 10 bazavych vieličyń, i na zajavu ministra ŭnutranych spraŭ», — skazaŭ Chviedaruk.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary