Rasijanina z Mačuliščaŭ, jaki pracavaŭ elektrykam, adpravili ŭ kałoniju pa troch palityčnych artykułach
Raman Šarkoŭ pracavaŭ u Minsku i vobłaści elektrykam i majstram pa drobnych chatnich pracach. Ale niadaŭna jaho asudzili za palityku.
Ramanu Šarkovu 35 hadoŭ. Jon hramadzianin Rasii, ale doŭhi čas žyŭ u Biełarusi. U 2009 hodzie skončyŭ škołu ŭ Mačuliščach, dzie vučyŭsia ŭ vajenna-patryjatyčnym kłasie. U 2014‑m atrymaŭ dypłom pa śpiecyjalnaści «elektrazabieśpiačeńnie» na enierhietyčnym fakultecie BNTU.
Na profilnych servisach mužčyna prapanoŭvaŭ pasłuhi kurjera i roznarabočaha. Adnak asnoŭnaj jahonaj śpiecyjalizacyjaj była elektryka: ad mantažu pravodki da zborki elektraščytoŭ u kvaterach i pryvatnych damach.
Apošnim časam da zatrymańnia jon pracavaŭ va ŭniviersitecie MITSO. Jak vynikaje z aficyjnych dakumientaŭ ab zakupkach, tam jon adkazvaŭ za santechničnyja, vientylacyjnyja i elektratechničnyja pracy padčas kapitalnaha ramontu adnaho z vučebnych karpusoŭ.
Dakładnaja data zatrymańnia Ramana nieviadomaja, ale heta adbyłosia ŭ siaredzinie 2025 hoda.
Jaho sudzili ŭ Minskim haradskim sudzie adrazu pa niekalkich kryminalnych artykułach — č. 1 i 2 artykuła 361‑4 KK (sadziejničańnie ekstremisckaj dziejnaści), č. 1 art. 130 KK (raspalvańnie varožaści) i č. 3 art. 361 KK (zakliki da dziejańniaŭ, jakija nanosiać škodu Biełarusi).
Šarkovu prysudzili kałoniju. Pahražała ad 1,5 da 7 hadoŭ, ale dakładny prysud nieviadomy.
«Naša Niva» — bastyjon biełaruščyny
PADTRYMAĆCiapier čytajuć
Stali viadomyja padrabiaznaści pra trahiedyju ŭ Połackim manastyry5
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Darečy, takich šmat. Kali ludzi paviarnulisia na Baćkaŭščynu (ci na Baćkaŭščynu svaich baćkoŭ) z byłych respubliki Savieckaha sajuza, a hramadzianstva Biełarusi - nia majuć.
no prodołžajut hienocid, navierno mazochisty...