Biełarus raskazaŭ, jak za šeść hadoŭ abjechaŭ usie harady krainy
Biełarus Arciom raskazaŭ u Threads, što za šeść hadoŭ naviedaŭ usie harady Biełarusi. Jahony post nabraŭ bolš za 160 tysiač prahladaŭ i tysiačy kamientaryjaŭ, na jakija jon adkazvaŭ karystalnikam. Ludzi pytalisia pra lubimyja miescy, i aŭtar adznačyŭ, što bolš za ŭsio jamu padabajucca Łuniniec i Łuniniecki rajon, bo jon adtul rodam, a taksama — «pa-za kankurencyjaj Hrodna», piša Hrodna.life.
«Zadajcie vašy pytańni. Patraciŭ na heta 6 hadoŭ. Usie 115 haradoŭ, 118 rajonaŭ, a taksama sotni viosak i pasiołkaŭ. U sumie kala paŭtysiačy nasielenych punktaŭ», — napisaŭ Arciom.
Akramia Biełarusi jon taksama naviedaŭ jašče 10 krain.
Padarožžy Arciom pačynaŭ z pryharadnych ciahnikoŭ — dyzielaŭ i elektryčak.
«Heta było tanna, viesieła i ŭvohule lublu čyhunku. Paźniej stali karystacca pasažyrskimi ciahnikami. Kali skončylisia harady, dzie jość čyhunka — u chod pajšli aŭtobusy. Płanavać łahistyku stanaviłasia ŭsio składaniej. Ale da taho času ŭ siabra źjaviłasia mašyna, i ŭsie prahały zakryli pajezdkami na aŭtamabili. Na viełasipiedzie jeździŭ pa svaim i susiednich rajonach», — raskazaŭ jon.
Pavodle słoŭ Arcioma, praciahłaść pajezdak zaležała ad łahistyki:
«Nu, kožny raz pa-roznamu. Šmat što zaležała ad łahistyki i raskładu BČ. Abłasnyja, viadoma, nie adzin dzień, nu i tam ja ŭvohule byvaŭ pa 5—6 razoŭ u kožnym. U bolšaści haradoŭ dastatkova paŭdnia».
Vydatki jon nie padličvaŭ:
«Ale pa fakcie kožnaja pajezdka abychodziłasia ŭ kapiejki. Pryharadnyja ciahniki kaštujuć niašmat i ciapier, a ŭ 2010‑ych tym bolš. Chatniaja ježa, termas… dy i ŭsio ŭ pryncypie».
Taksama jon raskazaŭ, što pieršy čas rabiŭ natatki pra kožnaje miesca. Vioŭ błoh, dzie padrabiazna apisvaŭ kožnuju pajezdku, cikavyja miescy i sposaby dajechać.
«Paźniej hetyja narysy pieratvarylisia ŭ zanadta adnatypnyja z-za kolkaści miescaŭ, i ja pierastaŭ hetym zajmacca».
Adnym z samych lubimych haradoŭ padarožnik nazvaŭ Hrodna. Jon adznačyŭ atmaśfieru, architekturu i asabistyja ŭspaminy:
«Da taho ž tolki ŭ hetym horadzie ja pravodziŭ čas z najlepšymi ludźmi ŭ maim žyćci».
Siarod rehijonaŭ jon taksama vyłučyŭ Hrodzienskuju vobłaść i častki Viciebskaj vobłaści, asabliva kala miažy ź Litvoj. A lubimyja — Łuniniec i Łuniniecki rajon, «tamu što Radzima!»
Karystalniki pytalisia ŭ Arcioma i pra kankretnyja miescy. Naprykład, pra Iŭje:
«Šykoŭny [horad]. Asabliva kaścioł, na jaki adkryvajecca pryhožy vid z darohi. Nie prypomniu bolš horada ŭ Biełarusi ź pierasiačeńniem čatyroch relihij».
Taksama jaho pytalisia pra Lidu i vykarystańnie hidaŭ:
«Nie, nikoli i nijakich hidaŭ nie najmali. Meta zaklučałasia ŭ samich pajezdkach i žadańni pahladzieć horad vačyma prostaha turysta. Maršrut vybiraŭsia z papularnych resursaŭ. Asnoŭnyja słavutaści — z puciavodnikaŭ. U Lidzie byvaŭ časta, u tym liku na Lidbeer».
Adkazvajučy na pytańnie pra adroźnieńni pamiž rehijonami, jon adznačyŭ:
«Biezumoŭna! I heta vielmi jarka vyjaŭlena».
Maršrut vychadnoha dnia na zachad ad Minska: duch baroka, unikalnyja mazaiki i skryžavańnie relihij
Minimalnaja norma — 100 kiłamietraŭ u dzień: žychar Pinska abjechaŭ na rovary ŭsie rajony Biełarusi
Źjaviŭsia novy rejtynh biełaruskich haradoŭ — voś jak vyhladaje top-20
Biełarusy za 10 hadoŭ abjechali ŭsie rajony krainy. A ciapier jany padzialilisia paradami, pamyłkami i skłali šeść maršrutaŭ dla pačatkoŭcaŭ
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary