Tysiačy paŭdniovaafrykanskich studentaŭ, jakija vyjšli na vulicy ŭ piatnicu ranicaj, pratestujučy suprać płanaŭ urada padniać płatu za navučańnie, dajšli da kompleksu uradavych budynkaŭ u Pretoryi, dzie znachodzicca administracyja prezidenta.
Zaraz natoŭp studentaŭ mitynhuje la ŭvachodu ŭ kompleks, ustupajučy ŭ sutyčki z palicyjaj. Jak paviedamlajuć navinavyja ahienctvy, pratestoŭcy niekalki razoŭ sprabavali zvalić mietaličny płot, navakolny budynak.
Marš studentaŭ pačaŭsia ranicaj u piatnicu. Na hety ž dzień zapłanavana ich sustreča z prezidentam Džiejkabam Zumaj i dekanami šerahu ŭniviersitetaŭ.
Padstavaj dla pratestu stali płany ŭrada padniać płatu za navučańnie ŭ VNU. Lidary studenckaha ruchu śćviardžajuć, što pavyšeńnie płaty paharšaje sacyjalnuju niaroŭnaść u krainie, dzie biełyja siemji pavodle aficyjnaj statystyki zarablajuć u šeść razoŭ bolš za ciemnaskurych. Na dumku studentaŭ, hety krok moža adrezać šlach da vyšejšaj adukacyi dla mnostva maładych ludziej.
Uspyški studenckich pratestaŭ u suviazi z płanami ŭrada praciahvajucca ŭvieś tydzień va univiersitetach pa ŭsioj krainie. U sieradu palicyja vykarystała śvietłašumavyja hranaty dla razhonu natoŭpu, jakaja pasprabavała ŭziać šturmam kompleks uradavych budynkaŭ u Kiejptaŭnie. Taksama šmatlikaja akcyja pratestu prajšła ŭ čaćvier u Jochanesburhu.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni3
Kamientary