Bolš za 800 tysiač čałaviek u hetym hodzie padali prašeńni na pradastaŭleńnie statusu biežanca ŭ krainach Jeŭropy, što ŭ dva razy pieravyšaje pakazčyk minułaha hoda. Pra heta 29 kastryčnika paviedamiła hazieta Times sa spasyłkaj na dadzienyja Upraŭleńnia Viarchoŭnaha kamisara AAN pa spravach biežancaŭ (UVKB).
«Ahulnaja kolkaść zajavak na atrymańnie statusu biežanca ŭ 38 jeŭrapiejskich krainach u siarednim u hetym hodzie vahajecca ad 60 da 115 tysiač u miesiac. U minułym hodzie sa studzienia pa žnivień u pradastaŭleńni prytułku ŭ Jeŭropie mieli patrebu 397.000 čałaviek, za anałahičny pieryjad hetaha hoda z takim patrabavańniem da ŭładaŭ jeŭrapiejskich dziaržaŭ źviarnulisia ŭžo 834000 čałaviek», — infarmavali ŭ UVKB.
Bolšaść žadajučych atrymać status biežanca ŭ najbolš raźvitych krainach Jeŭrasajuza źjaŭlajucca hramadzianami Siryi, Afhanistana i Iraka. Vialikaja kolkaść prašeńniaŭ pastupaje ad pracoŭnych mihrantaŭ z Ałbanii.
Ale pieravažnaja bolšaść biežancaŭ, jakija jość u śviecie, znachodziacca nie ŭ Jeŭropie.
Kamientary