U Turcyi prachodziać daterminovyja parłamienckija vybary, abvieščanyja ŭładami paśla taho, jak pa vynikach červieńskaha hałasavańnia partyjam, jakija prajšli ŭ parłamient, nie ŭdałosia sfarmavać kaalicyju.
Hałoŭnaja intryha vybaraŭ — ci atrymajecca ŭ Partyi spraviadlivaści i raźvićcia, zasnavanaj ŭ 2001 hodzie ciapierašnim prezidentam Redžepam Taipam Erdahanam, jakaja kiravała da niadaŭnich časoŭ, viarnuć stračanyja pazicyi.
U červieni jana, choć i atrymała pieramohu na vybarach, upieršyniu za 13 hadoŭ straciła parłamienckuju bolšaść.
Kančatkovaj metaj Erdahana źjaŭlajecca atrymańnie kanstytucyjnaj bolšaści ŭ Vialikim nacyjanalnym schodzie, što dazvoliła b jamu inicyjavać kanstytucyjnuju reformu, u chodzie jakoj pieratvaryć krainu z parłamienckaj u prezidenckuju respubliku.
Na vybarčych učastkach pryniatyja dadatkovyja miery biaśpieki, uličvajučy sieryju napadaŭ, prakacilisia pa krainie ŭ apošnija miesiacy. Adzin ź niadaŭnich napadaŭ adbyŭsia ŭ Ankary 10 kastryčnika, zahinuli bolš za 100 čałaviek. Ułady miarkujuć, što za napadami staić ekstremisckaja hrupoŭka «Isłamskaja dziaržava».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary