U 2016 hodzie ŭ Kijevie, u dzień naradžeńnia Valancina Bialkieviča, 27 studzienia, adkryjecca pomnik futbalistu. Adzin z najlepšych hulcoŭ minskaha i kijeŭskaha «Dynama» i biełaruskaj futbolnaj zbornaj pamior 1 žniŭnia 2014 hoda na 42-m hodzie žyćcia ŭ vyniku adryvu tromba.
Na vulicy Enhielsa ŭ Minsku, dzie prajšli dziciačyja hady futbalista, budzie ŭstanoŭlenaja miemaryjalnaja doška. Jak zajaviŭ na pres-kanfierencyi pieršy namieśnik staršyni Biełaruskaj fiederacyi futboła Siarhiej Safar`ian, pieršapačatkova havorka išła pra ŭstanaŭleńnie pomnika, ale «ŭ siłu roznych akaličnaściaŭ» pradpryjemstva admoviłasia ad zamovy», i «było vyrašana miemaryjalnuju došku ŭstanaŭlivać». Na jaje vyrab i ŭstanoŭku BFF pieraličyć srodki.
«Uzhodnieny prajekt, vykanany makiet bareljefa, — paviedamiŭ pres-słužbie minskaha «Dynama» hanarovy staršynia kłuba balelščykaŭ kamandy Ivan Savościkaŭ. — Roznymi skulptarami prapanoŭvalisia roznyja prajekty, jakija treba było ŭzhadnić sa svajakami… Praces vyjšaŭ na finišnuju pramuju, i jak tolki ŭsio budzie hatova da taho, kab adkryć pamiatny bareljef, my, viadoma ž, zahadzia apaviaścim i balelščykaŭ, i presu».
Pavodle słoŭ Savościkava, iduć pieramovy ab praviadzieńni ŭ Minsku tavaryskaha matču pamiaci Bialkieviča pamiž minskim i kijeŭskim «Dynama». «Ciapier uzhadniajecca farmat i data mierapryjemstva. Mahčyma, hety matč adbudziecca ŭ kancy studzienia — pačatku lutaha ŭ Minsku, u futbolnym maniežy, i prymierkavany da dnia naradžeńnia Valancina Bialkieviča. Kali dazvolać płany padrychtoŭki kamandy, heta budzie matč asnoŭnych składaŭ. Kali nie, to buduć hulać vieterany, jakija vystupali razam z Valancinam. A mahčyma, matč budzie praviedzieny letam. Ale žadańnie pravieści matč pamiaci Valancina Bialkieviča mienavita ŭ Minsku jość u abodvuch bakoŭ», — paviedamiŭ Ivan Savościkaŭ.
Jon abnarodavaŭ list baćkoŭ futbalista, jakija zaklikali «padtrymać inicyjatyvu fan-kłuba minskaha «Dynama» i dapamahčy ŭ zbory srodkaŭ pa uviekaviečańni pamiaci syna, «a dla mnohich— kumira ź ličbaj 8 na futbołcy».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty19
Kamientary