i strymana adazvaŭsia pra amerykanskija «abmiežavalnyja miery» suprać Biełarusi.
Rasija zaklikaje Vašynhton pierahledzieć «svaju liniju ŭ adnosinach da Biełarusi i jaje kamercyjnych struktur». Pra heta zajaviŭ premjer‑ministar Rasijskaj Federacyi Viktar Zubkoŭ u Miensku.
Premjer padkreśliŭ, što Rasija ličyć uviadzieńnie sankcyj suprać «Biełnaftachimu» «palityzavanym krokam».
«Zamiest vystrojvańnia dyjalohu i admieny abmiežavalnych mieraŭ Vašynhton u svaich intaresach sprabuje akazać cisk na Biełaruś. I heta adbyvajecca na fonie pazytyŭnych krokaŭ z boku biełaruskaha kiraŭnictva, u tym liku pry pastupovym praviadzieńni rynkavych reformaŭ», — skazaŭ V. Zubkoŭ.
Sa svajho boku kiraŭnik biełaruskaha ŭradu Siarhiej Sidorski padkreśliŭ, što Biełaruś «nie imkniecca da eskalacyi napružanaści z ZŠA i zhortvańnia dyplamatyčnych adnosinaŭ». Pavodle słovaŭ S. Sidorskaha, «biełaruski bok robić zachady pa rašeńni hetaj prablemy».
Kiraŭnik rasiejskaha ŭradu Viktar Zubkoŭ prylacieŭ u Miensk u piatnicu dla ŭdziełu ŭ pasiedžańni Savietu Ministraŭ sajuznaj dziaržavy Biełarusi i Rasiei.
Prahrama vizytu praduhledžvaje sustreču dvuch premjeraŭ. Na joj pojdzie havorka pra ceny na haz, jaki Biełaruś atrymlivaje z Rasiei. 119 dalaraŭ za tysiaču kuboŭ — heta cana, ustanoŭlenaja tolki na pieršy kvartał hetaha hodu.
Vizyt pačaŭsia z sustrečy Zubkova z A. Łukašenkam.
«Ja chacieŭ by raspavieści vam pra prablemy, najaŭnyja ŭ našym zamiežnym handli, asabliva ŭ suviazi z pazycyjaj kiraŭnictva ZŠA, – skazaŭ Alaksandar Łukašenka na sustrečy. — Tym nia mienš, ekanamičnaje stanovišča ŭ Biełarusi absalutna narmalnaje, naš tavarazvarot dynamična raście, i jon dyversyfikavany – to bok, paśpiachova raźvivajucca handlovyja adnosiny jak z Rasijaj, tak i z ES i inšymi krainami», – zajaviŭ jon.
Kamientary