Sud Leninskaha rajona Hrodna prysudziŭ 12 hadoŭ źniavoleńnia 23-hadovaj haradziency, jakaja ŭčyniła seksualny hvałt sa svajho małaletniaha syna, piša Hrodzienski błoh s13.
Videafajł ź dziciačaj parnahrafijaj u internecie znajšła letam 2015 hoda dackaja palicyja. Miarkujecca, što raspaŭsiudžvać jaho pačaŭ žychar Niamieččyny. A sam zapis byŭ zrobleny praz Skype padčas sieansu suviazi z karystalnikam z Hrodna. Potym vyśvietliłasia, što hrodzienskim abanientam była maładaja dziaŭčyna, jakaja raniej trojčy pryciahvałasia da administracyjnaj adkaznaści za zaniatak prastytucyjaj.
Sudovaje śledstva dakazała, što maładaja maci dla atrymańnia hrašovaj uznaharody ad žychara zamiežnaj dziaržavy ŭčyniła seksualny hvałt nad svaim małaletnim synam, što demanstravałasia praź internet-tranślacyju.
Akramia hetaha, padčas rasśledavańnia kryminalnaj spravy vyjaviłasia, što žančyna mieła dačynieńnie da niesankcyjavanaha dostupu da asabistaj infarmacyi trecich asob, a taksama zamachu na niesankcyjanavany dostup da asabistaj infarmacyi.
Maładuju hrodzienku pryznali vinavataj pa niekalkich abvinavačańniach — hvałtoŭnyja dziejańni seksualnaha charaktaru, vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru z pakazam niepaŭnaletniaha, niesankcyjavany dostup da kampjutarnaj infarmacyi, zamach na niesankcyjavany dostup da kampjutarnaj infarmacyi.
Pa sukupnaści złačynstvaŭ šlacham častkovaha składańnia sud pryznačyŭ joj 12 hadoŭ u papraŭčaj kałonii ahulnaha režymu z kanfiskacyjaj usioj majomaści. Taksama sud spahnaŭ z žančyny ŭsiu sumu, atrymanuju za tranślacyju dziejańniaŭ seksualnaha charaktaru suprać jaje małaletniaha syna.
Prakuratura Hrodna nakiravała ŭ sud zajavu, kab pazbavić 23-hadovuju hrodzienku baćkoŭskich pravoŭ.
Prysud pakul nie nabyŭ zakonnuju moc.
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca5
Kamientary