Z 1 studzienia płanujecca źnizić akcyzy na mocny ałkahol

1 studzienia 2016 hoda staŭki akcyzaŭ na mocnyja ałkaholnyja napoi mohuć być źnižany. Pavodle infarmacyi BiełaPAN, miery pa padtrymcy ałkaholnaj haliny praduhledžvaje prajekt biudžetu na nastupny hod, jaki znachodzicca na razhladzie ŭ parłamiencie. 

U pryvatnaści, razmova idzie ab tym, kab staŭki akcyzaŭ na mocnyja ałkaholnyja napoi źnizilisia na 7,4%. Akramia taho, u nastupnym hodzie praduhledžana źnižeńnie stavak akcyzaŭ na viny pładovyja macavanyja na 7,5%. Prajekt biudžetu taksama praduhledžvaje zachavańnie stavak akcyzaŭ na piva na niaźmiennym uzroŭni ŭ nastupnym hodzie. 

Pieraličanyja miery nakiravany na stabilizacyju situacyi z vytvorčaściu ałkaholnaj pradukcyi ŭ krainie i palapšeńnie finansavaha stanovišča pradpryjemstvaŭ haliny. 

Źviestki aficyjnaj statystyki za studzień—vierasień śviedčać ab źnižeńni realizacyi ałkaholnaj pradukcyi na ŭnutranym rynku. Tak, u studzieni—vieraśni hetaha hoda abjom realizacyi mocnych ałkaholnych napojaŭ na ŭnutranym rynku źniziŭsia na 18%, vin pładovych macavanych — bolš čym na 20%, piva — na 3,9%. 

Akramia taho, źviestki ab finansavych pakazčykach adkrytych akcyjaniernych tavarystvaŭ, abnarodavanyja Minfinam vosieńniu hetaha hoda, śviedčać ab tym, što mnohija vytvorcy ałkaholnych napojaŭ u pieršym paŭhodździ 2015 hoda atrymali straty. 

Tak, «Minsk-Kryštal» u pieršym paŭhodździ atrymaŭ straty ŭ 13,3 młrd. rubloŭ, admoŭny vynik finansavaj dziejnaści Klimavickaha likiora-harełačnaha zavoda skłaŭ 8,5 młrd. rubloŭ, Brescki ŁHZ «Biełałka» atrymaŭ straty ŭ pamiery 10,2 młrd. rubloŭ. 

Akramia taho, stratnymi, pavodle źviestak Minfina, u pieršym paŭhodździ źjaŭlalisia likiora-harełačnyja zavody ŭ Viciebskaj, Homielskaj i Hrodzienskaj abłaściach. 

***

Nahadajem, u žniŭni hetaha hoda niespryjalnaja situacyja, jakaja skłałasia ŭ ałkaholnaj halinie, razhladałasia na naradzie z udziełam prezidenta. Alaksandr Łukašenka rastłumačyŭ biadotnaje stanovišča spraŭ u ałkaholnaj halinie ahresiŭnaj padatkovaj palitykaj, jakaja pravodziłasia ŭ krainie ŭ apošnija hady. 

«Akcyznaja palityka, jakuju prapanoŭvaŭ urad i siońnia prapanoŭvaje, praktyčna ŭhrobiła, jak kažuć śpiecyjalisty, halinu. Akcyzy pryviali da pavieličeńnia cany i razam z kantrafaktam da źnižeńnia popytu na hetuju pradukcyju, a značyć straty biudžetu»,— padkreśliŭ Łukašenka i zapatrabavaŭ navieści paradak u śfiery vytvorčaści i abarotu ałkaholnaj pradukcyi ŭ krainie.

• 0
• 0
• 0
• 0
• 0
• 0
• 0
• 0