Adnaŭlaje svaju dziejnaść niekali papularnaja kniharnia biełaruskamoŭnaj litaratury «Halijafy».
Sioleta ŭ lutym kulturnickaja ŭstanova vymušana była pakinuć pamiaškańnie ŭ budynku na vulicy Vałhahradzkaj u Miensku, kudy zasialiłasia pry kancy 2013 hodu. Ale jašče tady kiraŭnictva zapeŭnivała, što heta nie «pachavańnie», a časovaje raźvitańnie. Da apošniaha dnia placoŭka pracavała jak tvorčaja prastora, dzie sustrakalisia biełaruskija paety i piśmieńniki.
Padstavaj da prypynieńnia dziejnaści stała novaja redakcyja zakonu «Ab handli». Pavodle jaje budynki, u jakich viadziecca handal, pavinny być aformlenyja dakumentalna, a potym zaniesienyja ŭ admysłovy rejestar. Pakolki tahačasny budynak u rejestry nia značyŭsia, handal daviałosia spynić.
Ciapier «Halijafy» jak litaraturnaja prastora z mastackaj halerejaj atabaracca ŭ staličnym Trajeckim pradmieści, na vulicy Staravilenskaj, 6. Uračystaje adkryćcio zaplanavanaje na 3 śniežnia (a 19-j hadzinie). Admietnaść abnoŭlenaj placoŭki palahaje ŭ stratehii: kniharnia stvoranaja na bazie vydaviectva «Halijafy», vakoł jakoha abjadnalisia papularnyja biełaruskija litaratary i mastaki.
Na śniežańskija ŭłaziny zaprošanyja znanyja hości:
Barys Piatrovič — staršynia Sajuzu biełaruskich piśmieńnikaŭ
Andrej Chadanovič — paet, pierakładčyk, filolah, kiraŭnik PEN-centru
Alhierd Bacharevič — piśmieńnik, pierakładčyk
Adam Hłobus — piśmieńnik, mastak
Siaržuk Sys — paet
Muzyki Ŭładzisłaŭ Bubien i Jaŭhien Rahozin
Hurt «Ekzarcystyčny Gesamtkunstwerk»
U dzień adkryćcia krama abiacaje 20-pracentnuju źnižku na ŭsie knihi vydaviectva «Halijafy».
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami37
Kamientary