Ministerstva handlu Biełarusi vyjšła z prapanovaj va ŭrad ustanavić dla indyvidualnych pradprymalnikaŭ i jurydyčnych asob niezaležna ad formy ŭłasnaści, jakija ažyćciaŭlajuć vyklučna realizacyju tavaraŭ ajčynnaj vytvorčaści, prymianieńnie da bazavaj staŭki arendnaj płaty panižajučych kaeficyjentaŭ (0,4 i 0,5).
Pra heta paviedamiŭ pieršy namieśnik ministra handlu Artur Karpovič.
«Prapanova ŭniesiena ŭ metach karekciroŭki isnujučaj situacyi, pavieličeńnia doli tavaraŭ ajčynnaj vytvorčaści ŭ roźničnym tavaraabarocie», — adznačyŭ Artur Karpovič. Pavodle jaho słoŭ, hetaj mieraj prapanujecca dapoŭnić ukaz numar 150 «Ab niekatorych pytańniach arendy i biazvypłatnaha karystańnia majomaściu», dziejańnie jakoha raspaŭsiudžvajecca tolki na płoščy, što naležać dziaržaŭnym subjektam pradprymalnickaj dziejnaści abo z dolaj dziaržavy.
Pry hetym Artur Karpovič padkreśliŭ, što ŭzrovień faktyčnaha vykarystańnia handlovych miesc u handlovych centrach składaje kala 80 pracentaŭ. Siaredni košt arendy kvadratnaha mietra z pačatku hoda źniziŭsia na 30 pracentaŭ i składaje amal 20 jeŭra. «U isnujučych umovach ułaśniki płoščaŭ prymajuć aktyŭnyja miery pa pryciahnieńni arandataraŭ. Časam pry zaklučeńni dahavora arendy pieršy čas płata naohuł nie biarecca - apłačvajucca tolki kamunalnyja płaciažy», — skazaŭ pieršy namieśnik ministra.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary