Redakcyja časopisa «Arche» prapanuje apošni rasprodaž u adychodziačym 2015 hodzie. Skarystaŭšysia akazijaj, vy možacie nabyć padarunak svaim blizkim i siabram na Kalady i Novy hod, jaki budzie słužyć im vieraj i praŭdaj doŭhija časy.
U ramkach raspodažu možna nabyć:
ARCHE 1-2 – 2014 «Historyja Biełarusi XIX st. u miemuarach»
U materyjałach numara adlustravanyja raznastajnyja niuansy štodzionnaha žyćcia hramadstva XIX st. i źmieny, jakija ŭ im adbyvalisia. Pry hetym pad uvahu ŭ toj ci inšaj stupieni patrapili praktyčna ŭsie tahačasnyja sacyjalnyja płasty i katehoryi: vyšejšaja arystakratyja, siaredniaja i drobnaja šlachta, miaščanie, duchavienstva, pryhonnyja sialanie, pradstaŭniki nacyjanalnych mienšaściaŭ i inš. Siarod aŭtaraŭ numara – Volha Harbačova, Ina Sorkina, Siarhiej Tokć, Alaksandr Radziuk, Anatol Ścieburaka i inšyja.
Prapanova – 1 asobnik.
Cana – 109 tys.
ARCHE 4-2014. «Architekturnaja spadčyna: historyja razbureńniaŭ i rekanstrukcyj»
Numar całkam pryśviečany razhladu sučasnaha stanu rečaŭ, jaki skłaŭsia ŭ Biełarusi z achovaj architekturnych pomnikaŭ, i sprobaŭ, skiravanych na jaho palapšeńnie. Siarod aŭtaraŭ numara – Siarhiej Chareŭski, Iryna Łaŭroŭskaja, Valera Rusielik, Ściapan Sturejka, Taćciana Vadałažskaja i mnohija inšyja daśledčyki i hramadskija aktyvisty jak sa stalicy, tak i z rehijonaŭ.
Prapanova – 2 asobniki.
Cana – 149 tys.
Kniha mahistrata miesta Połacka 1727 h. / A.M. Łatuškin, M.Dz. Makaraŭ – Biełastok: Biełaruskaje navukovaje tavarystva. Vilnia: Instytut biełarusistyki, 2012. – 406 s.
Značeńnie Połacka dla historyi našaj krainy ciažka pieraacanić. U XV—XVIII stst. jon byŭ adnym z najbujniejšych miestaŭ nie tolki Biełarusi, ale i ŭsiaho Vialikaha kniastva Litoŭskaha. Historyja hetaha staražytnaha palityčnaha i ekanamičnaha centra paŭnočnaj Biełarusi ŭžo niekalki stahodździaŭ pryciahvaje ŭvahu daśledčykaŭ. Adnak, niahledziačy na značnuju kolkaść apublikavanych navukovych prac, možna ŭpeŭniena śćviardžać, što asobnyja pieryjady minułaha Połacka vyvučanyja niedastatkova. Adnym z faktaraŭ, jakija strymlivajuć raźvićcio daśledavańniaŭ pa historyi miesta pieršych troch čverciaŭ XVIII st., źjaŭlajecca toje, što dakumientalnaja spadčyna połackaha mahistrata hetaha času, niahledziačy na jaje adnosna dobruju zachavanaść, praktyčna nie publikavałasia i dahetul zastajecca pa-za ŭvahaj navukovaj hramadskaści.
Prapanova – 1 asobnik.
Cana – 149 tys.
Da svajoj historyi: Siaredniaviečča i Rańni Novy čas: zbornik navukovych artykułaŭ, pryśviečanych pamiaci Paŭła Łojki / navuk. red. V. A. Varonin. — Smalensk: Inbiełkult, 2013. — 156 s. Nakład 100 asobnikaŭ.
U zborniku źmieščanyja artykuły, u jakich razhladajucca roznyja aśpiekty ajčynnaj i suśvietnaj historyi epochi Siaredniaviečča i Rańniaha Novaha času. Asablivaja ŭvaha nadadziena dyskusijnym i maładaśledavanym aśpiektam raźvićcia biełaruskich ziamiel u pieršyja dziesiacihodździ isnavańnia Rečy Paspalitaj. Zbornik pryśviečany pamiaci viadomaha biełaruskaha historyka Paŭła Łojki. Dla historykaŭ i amataraŭ ajčynnaj minuŭščyny.
Prapanova – 1 asobnik.
Cana – 149 tys.
Kryŭja-Biełaruś u minułaści. Histaryčnyja tvory / Jan Stankievič; — Vydańnie druhoje, papraŭlenaje. — Vilnia: Instytut biełarusistyki; Biełastok: Biełaruskaje histaryčnaje tavarystva, 2010. — 769 c.
Zbornik histaryčnych daśledavańniaŭ viadomaha biełaruskaha dziejača Jana Stankieviča. U tom uvajšli histaryčnyja tvory Jana Stankieviča (1891—1976),napisanyja pamiž 1930 i 1976 hadami. Pieravažnaja balšynia apublikavanych tvoraŭ była raniej niedastupnaja biełaruskamu čytaču. Siarod publikacyj: «Kurs historyi Kryvii–Biełarusi» (Praha, 1941), «Kryŭja–Biełaruś u minułaści» (Miensk, 1942), «Karotki načyrk historyi Kryvič–Biełarusi» (Ńju-Jork, 1950-1953), «Savieckaje chvalšavańnie historyi Biełarusi» (Miunchien, 1958), «Narysy ź historyi Vialikalitvy–Biełarusi» (Ńju-Jork, 1978).
Prapanova – 1 asobnik.
Cana – 199 tys.
Histaryčnyja tvory / Jan Stankievič; — Vydańnie pieršaje. – Miensk, IP Źmicier Kołas, 2003. — 769 c.
Pieršaje vydańnie zbornika histaryčnych daśledavańniaŭ viadomaha biełaruskaha dziejača Jana StankievičaU tom uvajšli histaryčnyja tvory Jana Stankieviča (1891—1976),napisanyja pamiž 1930 i 1976 hadami. Pieravažnaja balšynia apublikavanych tvoraŭ była raniej niedastupnaja biełaruskamu čytaču. Siarod publikacyj: «Kurs historyi Kryvii–Biełarusi» (Praha, 1941), «Kryŭja–Biełaruś u minułaści» (Miensk, 1942), «Karotki načyrk historyi Kryvič–Biełarusi» (Ńju-Jork, 1950-1953), «Savieckaje chvalšavańnie historyi Biełarusi» (Miunchien, 1958), «Narysy ź history Vialikalitvy–Biełarusi» (Ńju-Jork, 1978).
Prapanova – 1 asobnik.
Cana – 149 tys.
Padrabiaznaja infarmacyja pra toje, jak znajści vydańni, jość na sajcie časopisa «Arche».
«Dla Kijeva było b lepš, kab Biełarusi nie isnavała naohuł». Vialikaja razmova z ukrainskim palitołaham Jaŭhienam Mahdam21
Kamientary