U noč z 7 na 8 studzienia «Chaŭjer» u Biełarusi nie čakajecca, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
«U ŚMI prajšła infarmacyja, što ŭ noč z 7 na 8 studzienia ŭ Biełaruś pryjdzie paŭdniovy cykłon nakštałt «Chaŭjera». Chaču supakoić biełarusaŭ: «Chaŭjer» — heta takaja ekstremalnaja źjava, jakaja nazirajecca raz u 50 hadoŭ. A cykłon, jaki płanujecca u hetuju noč, projdzie na poŭdzień ad Biełarusi.
Jon praktyčna nie zakranie terytoryju našaj krainy. Mahčyma, projdzie nievialiki śnieh u paŭdniova-ŭschodnich rajonach, ale nijakaha «Chaŭjera» nie budzie», - adznačyła hałoŭny sinoptyk.
Śviatłana Rybakova padkreśliła, što navat termin «Chaŭjer» ŭžyvać u hetaj situacyi niedarečna. «Heta prosta paŭdniovy cykłon, jaki budzie prachodzić, pa raźlikach na siońniašni dzień, z Adesy na Charkaŭ. Heta daloka ad nas. Kali śnieh i imavierny, to nievialiki. Kazać, što my traplajem pad upłyŭ hetaha cykłona, nie davodzicca», - patłumačyła jana.
Pavodle słoŭ śpiecyjalista, u noč z čaćviarha na piatnicu čakajecca całkam spakojnaje maroznaje nadvorje.
«Chaŭjer» prajšoŭ praź Biełaruś try hady tamu, z 15 na 16 sakavika 2013 h., fota Paŭła Juchnieviča
«Dla Kijeva było b lepš, kab Biełarusi nie isnavała naohuł». Vialikaja razmova z ukrainskim palitołaham Jaŭhienam Mahdam21
Kamientary