Halina žyllova-kamunalnaj haspadarki ŭ 2015 hodzie zekanomiła Br1,5 trłn, zajaviŭ siońnia ministr žyllova-kamunalnaj haspadarki Alaksandr Cierachaŭ na padahulniajučaj kalehii viedamstva.
«Z 1 studzienia 2015 hoda na narmatyŭnym uzroŭni byŭ źmienieny paradak subsidziravańnia arhanizacyj žyllova-kamunalnaj haspadarki - usie pasłuhi subsidzirujucca nie pa faktyčnych zatratach, a pa ŭstanoŭlenych narmatyvach zychodziačy z płanava-raźlikovych cen. Z punktu hledžańnia biudžetu taki padychod siabie apraŭdaŭ. U 2015 hodzie žyllova-kamunalnaja haspadarka zekanomiła Br1,5 trłn», — adznačyŭ Alaksandr Cierachaŭ.
Pavodle jaho słoŭ, niahledziačy na toje, što hod byŭ niaprosty z ekanamičnaha punktu hledžańnia, halina nie źviarnułasia za dadatkovaj dziaržpadtrymkaj, a, naadvarot, dziakujučy svoječasovaści pryniatych rašeńniaŭ udałosia atrymać surjoznuju ekanomiju srodkaŭ. «Adnak vialikaha efiektu arhanizacyi žyllova-kamunalnaj haspadarki ad hetaha nie atrymali. Ni adzin z abłvykankamaŭ nie pryniaŭ mier pa nakiravańni srodkaŭ na raźvićcio materyjalna-techničnaj bazy pradpryjemstvaŭ. Ekanomija taksama nie była nakiravana na kapitalny ramont fondu, zamienu liftaŭ, madernizacyju kacielniaŭ i inšych abjektaŭ», — rastłumačyŭ ministr.
Jon kanstatavaŭ, što nie ŭsie rehijony prafinansavali arhanizacyi ŽKH pad zaćvierdžanyja płanava-raźlikovyja ceny, što supiarečyć patrabavańniam narmatyŭnych dakumientaŭ. «Tamu ŭ abłaściach asobnyja pradpryjemstvy adznačajuć, što płanava-raźlikovyja ceny nie apraŭdali siabie, a atrymanaja ekanomija ŭ vyniku vykanańnia mierapryjemstvaŭ pa źnižeńni zatrat pajšła na raźvićcio nie žyllova-kamunalnaj haspadarki, a inšych halin», — adznačyŭ Alaksandr Cierachaŭ.
Kamientary