Na čyhunačnym vakzale Minska adkryŭsia druhi turystyčny infarmacyjny centr
Na terytoryi čyhunačnaha vakzała stancyi Minsk-Pasažyrski 5 lutaha adkryŭsia druhi turystyčny infarmacyjny centr Nacyjanalnaha ahienctva pa turyźmie.
Jak paviedamiła na adkryćci namieśnik dyrektara departamienta pa turyźmie Ministerstva sportu i turyzmu Biełarusi Natalla Jelisiejeva, takich centraŭ u krainie chutka stanie bolš. «Moža być, my robim usio nie zaŭsiody svoječasova, ale my starajemsia, — skazała jana. — Infacentry my płanujem adkryvać nie tolki na vakzałach, ale i ŭ rehijonach».
Načalnik stancyi Minsk-Pasažyrski Alaksandr Drožža adznačyŭ, što adkryćcio druhoha turystyčnaha infarmacyjnaha centra — heta vynik ščylnaha supracoŭnictva Minsportu i turyzmu i Biełaruskaj čyhunki. «Dla nas, čyhunačnikaŭ, heta adno ź mierapryjemstvaŭ pa palapšeńni jakaści absłuhoŭvańnia pasažyraŭ šlacham pradastaŭleńnia dadatkovaj jakasnaj pasłuhi ŭ śfiery turyzmu, — skazaŭ jon. — Kožny dzień z hałoŭnaj stancyi krainy adpraŭlajucca kala 35 tys. pasažyraŭ, ź ich dźvie tysiačy — pasažyry mižnarodnych znosin, kala 10 tysiač — mižrehijanalnych znosin. U cełym za hod praz naš vakzał jeduć pryblizna 4 młn. čałaviek, i kožny ź ich moža skarystacca pasłuhami infacentra».
U svaju čarhu dyrektar respublikanskaha sajuza turystyčnych arhanizacyj Valancin Cachmiejster vykazaŭ nadzieju, što takija turyscka-infarmacyjnyja centry adkryjucca ŭ znakavych turystyčnych punktach stalicy i krainy. «My marym, kab turystyčny infacentr raźmiaściŭsia ŭ rajonie ratušy, dzie zaŭsiody šmat naroda i jość maksimalnaja efiektyŭnaść pry prasoŭvańni našaha turyzmu biełaruskim hramadzianam i za miažu».
U infacentr pa dapamohu i infarmacyju možna źviarnucca, naprykład, z nahody raźmiaščeńnia abo arhanizacyi ekskursii. Pryčym turyst moža dałučycca da ŭžo arhanizavanych hrup ci skłaści samastojnaje padarožža pa Biełarusi. Taksama tut možna ŭziać infarmacyjnyja buklety, kupić suvienirnuju pradukcyju.
Pieršy infarmacyjny centr byŭ adkryty Nacyjanalnym ahienctvam pa turyźmie na praśpiekcie Pieramožcaŭ kala haścinicy «Jubilejnaja».
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary