«Jość takaja prafiesija — iłhać štoviečar»: na staroncy dyktara BT źjavilisia krytyčnyja dopisy
Nieŭzabavie paśla taho, jak sud vynies prysud pa «spravie hraficistaŭ», u efiry dziaržaŭnaha kanału «Biełaruś-1» źjaviŭsia siužet, dzie chłopcaŭ vystavili narkamanami, što pracujuć za valutu.
Hraficisty nazvali ahučanuju infarmacyju prapahandaj i chłuśnioj i źbirajucca padavać u sud na Biełteleradyjokampaniju.
Ale taki vuhał aśviatleńnia spravy aburyŭ nie tolki uzhadanych u siužecie.
U internecie razyšoŭsia adras staronki Ukantakcie adnaho z dyktaraŭ BT, Siarhieja Husačenki, jaki čytaŭ anons pierad siužetam.
«Jak nazvać toje paskudstva, jakoje bačyš kožny dzień pa darozie na rabotu, naprykład?» — pytałasia ŭ Husačenki jahonaja kaleha Viktoryja Siankievič.
«Ty zaraz viadzieš da toj samaj spravy hraficistaŭ?» — adkazvaŭ Husačenka, paśla čaho pačynaŭsia siužet žurnalista Juryja Šaŭčuka.
Na «ściency» Husačenki ŭžo źjaviłasia niekalki krytyčnych karcinak.
«Jość takaja prafiesija — chłusić», — pišuć karystalniki «UKantakcie.
P.S. Litaralna praz 15 chvilin paśla hetaj publikacyi Siarhiej Husačenka zajšoŭ u svoj Ukantakcie i vydaliŭ čužyja dopisy, zakryŭšy pry hetym svaju «ścianu».
-
Novaja zorka prapahandy kaža, što ŭciok z Polščy praz represii. Ale jon akazaŭsia machlarom z pazykami na $370 tysiač
-
«Zakryvać treba k čortu ŭsie resursy». Redaktarka «Minskaj chvali» vučyła rasijan zmahacca z apazicyjnymi ŚMI
-
Pamiatajecie bandu, jakaja ŭ bałakłavach rabavała na trasach fury? Vynik suda šakuje
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary