«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA
Nie paśpieli biełarusy adyści ad fłešmobu «Nado!», jak raptoŭna pačałasia novaja ideałahičnaja akcyja.
Ideołahi vyrašyli zrabić z Taćciany, jakaja pryjšła na matč u Varšavie ŭ čyrvona-zialonym, novuju zorku prapahandy. Dla hetaha zapuścili ceły fłešmob. Abo navat dva.
Usio pačałosia sa standartnych pastoŭ u praŭładnych telehram-kanałach. Darečy, prapahandysckija kanały raspaŭsiudžvali ŭryŭki ź videa Alaksandra Ivulina, błoh jakoha sami ŭłady pryznali «ekstremisckim». U tym samym uryŭku možna zaŭvažyć bieł-čyrvona-bieły ściah — što ŭ sučasnaj Biełarusi zvyčajna ličycca niezakonnym pikietavańniem.
Adrazu dva pasty Taćcianie pryśviaciŭ Ryhor Azaronak: prapahandyst zajaviŭ, što jana padniała dziaržaŭny ściah «u šypiačym łohavie źmiej, u kole vorahaŭ, u asinavym hniaździe» (arfahrafija zachavana — NN).
Minskaje «Dynama» zapisała cełaje videa z padziakaj adzinaj zaŭziatarcy. A na kanale Ministerstva sportu i turyzmu ŭ paście pra Taćcianu, jakuju nazyvajuć «sapraŭdnym patryjotam», źjaviŭsia chešteh #druhohofłahanamnienado.
Jašče dalej pajšło Ministerstva abarony. Na kanale viedamstva źjaviłasia videa z Taćcianaj, jakoje zakančvałasia ŭžo fłešmobam. U roliku vajskoŭcy 11-j asobnaj miechanizavanaj bryhady vystrailisia z čyrvona-zialonymi ściahami i praskandavali:
«Tania, my razam z taboj. Usia Biełaruś za ciabie».
Pad videa razam ź pieršym chešteham źjaviŭsia i novy: #TaniaZa_Biełaruś_a_My_sNiej. Roliki minskaha «Dynama» i Ministerstva abarony ŭžo pierapościli mnohija praŭładnyja kanały. Uličvajučy apošnija tendencyi, novy fłešmob moža stać davoli maštabnym.
«Naša Niva» raniej pisała, što jarkaja zaŭziatarka, jakaja pryjšła na matč u Varšavie z čyrvona-zialonym ściaham — 33-hadovaja Taćciana rodam ź Biarozy.
«Ty ździejśniła sapraŭdny ŭčynak». «Dynama» zapisała VIDEA z padziakaj žančynie ŭ čyrvona-zialonym
Žančyna ŭ čyrvona-zialonym na matčy ŭ Varšavie: Ja naradziłasia, kali byŭ taki ściah, i ja chaču pamierci ź im
Haračy viečar u Varšavie — minskaje «Dynama» nie vytrymała nacisku «Lehii». Ale samaje cikavaje adbyvałasia na trybunach FOTAREPARTAŽ
Minskaje «Dynama» hulaje ŭ Varšavie. Na trybunach — BČB-ściahi i palityčnyja baniery ŠMAT FOTA
Chto taja žančyna, što pryjšła na matč «Dynama-Minsk» u Varšavie z čyrvona-zialonym ściaham
88-hadovy eks-staršynia Viarchoŭnaha Savieta Siamion Šarecki raskazaŭ, jak jamu žyviecca ŭ Kalifornii10
88-hadovy eks-staršynia Viarchoŭnaha Savieta Siamion Šarecki raskazaŭ, jak jamu žyviecca ŭ Kalifornii
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary
chm