U centry Minska prajšła akcyja pratestu indyvidualnych pradprymalnikaŭ ANŁAJN
Niečakana šmatlikaj akazałasia akcyja pratestu indyvidualnych pradprymalnikaŭ. Na Kastryčnickaj płoščy Minska sabrałasia 800 čałaviek. Jany pratestavali suprać ukazu №222, jaki ŭvodzić abaviazkovuju siertyfikacyju tavaraŭ. Ludzi patrabavali taksama źmieny palityčnaha i ekanamičnaha kursu krainy.
Videaanłajn z akcyi:
13:15
U vyniku vyrašana sabracca ŭ nastupny paniedziałak, 22 lutaha, kali ŭkaz nie budzie admienieny.
13:06
Anatol Labiedźka kaža pratestoŭcaŭ, što prablema IP — heta nie ich prablema, heta prablema ŭładaŭ. Nie budzie ŭkazu №222, budzie №234, zaścierahaje jon.
«Treba vyrašać ekanamičnyja prablemy, mianiać ekanamičny kurs. Saša, ty stamiŭsia, adpačni», — kaža Labiedźka.
Hetyja słovy prysutnyja sustreli apładysmientami.
«Chopić stajać na kaleniach, uzdymajciesia!» — zaklikaje Labiedźka.
«Uładu — narodu! — zaklikaŭ u svaim vystupie eks-kandydat u prezidenty Mikoła Statkievič. — Usie prablemy ad taho, što adzin čałaviek skraŭ u biełaruskaha naroda ŭładu, skraŭ vybary. Kraina zachoplena bandaj. U nas nie milicyja, a ŭzbrojenyja słuhi adnaho čałavieka. Sudy absłuhoŭvajuć intaresy adnaho čałavieka», — zajaviŭ jon.
«Mikoła — naš prezident», — hukaje płošča ŭ adkaz. Nad natoŭpam niasiecca «Žyvie Biełaruś!».
12:59
Pradprymalniki zaŭlajuć, što nastupnaja akcyja projdzie ŭ nastupny paniadziełak iznoŭ a 12-j na Kastryčnickaj płoščy, kali ŭkaz №222 nie budzie admienieny.
Hučyć prapanova sabracca ŭ niadzielu.
Idzie hałasavańnie: paniadziełak ci niadziela. Usio ž bolej, vidać, prahałasavała za paniadziełak.
12:53
Narešcie znoŭ zapracavaŭ miehafon.
Žančyna-IP kaža, što patrabavańni buduć adniesienyja ŭ Saŭmin, a kali adkazu nie budzie, to patrabavańni buduć adniesienyja ŭ Administracyju prezidenta.
Taksama jana prapanavała stvaryć asobnuju palityčnuju partyju, jakaja budzie baranić pravy IP u parłamiencie.
12:49
Pradprymalniki skandujuć «Dałučajsia» i «Rabotu, rabotu, rabotu!»
Pradprymalnik z Homiela kaža, što pracavać apošnim časam stała niemahčyma. Žonka była IP, dačka, ale nichto nie pracuje. Bo stvoranyja takija ŭmovy, što pracavać niemahčyma. Kali my budzie addavać pa adnoj-dźvie rečy.
«My chočam dakazać, što my nie bydła, što my ludzi. Ale my ničoha nie dabjemsia, pakul budzie Łukašenka», — kaža jon.
12.44
Aleś Makajeŭ prosić pieramovaŭ z Łukašenkam.
Adna z žančyn vykazała mierkavańnie, što heta tolki pačatak akcyj, i jany buduć praciahvacca.
12:37
Vystupaje Uładzimir Niaklajeŭ. Ale sapsavaŭsia hučnamoŭnik, i ludzi nie čujuć ničoha. Razam z tym pačaŭsia adtok ludziej. Pacichu razychodziacca.
Darečy, Anatol Šumčanka (lidar «Pierśpiektyvy») na akcyju tak i nie pryjšoŭ.
Pavieł Vinahradaŭ kaža, što ŭražany kolkaści ludziej. «Ja dumaŭ pryjdzie try z pałovaj čałavieka, a pryjšli sotni ludziej».
Apytanka
12:30
Na Płoščy — 800 čałaviek. Ale sami pradprymalniki narakajuć, što nasamreč ich sabrałasia mała.
12:21
Pradprymalnica sa Słucka kaža, što ŭkaz №222 — heta ŭdar pa lehpramie i pa samich IP. Jana prapanuje sabracca tut praz tydzień.
Aleś Makajeŭ zajaviŭ, što my budziem tut stajać stolki, kolki treba. «Pakul nas nie pačujuć», — kaža jon. «Telefanujcie adzin druhomu, prasicie, kab pryjšli», — kaža jon. «Bačycie, ułady pakul dazvalajuć».
«My patrabujem ad Łukašenki prabačeńniaŭ, kab jon vybačyŭsia pierad tysiačami IP za abrazu», — kaža Makajeŭ.
«Łukašenka 20 hadoŭ niščyć drobny biznes, takoha nidzie niama ŭ śviecie», — dadaje jon.
Adzin ź IP z Baranavičaŭ pryjšoŭ na akcyju z bedžam «Bandyt». «Čamu vy pryjšli z takim bedžam?» — «Tamu tak nazvaŭ nas Łukašenka», — kaža jon. «Ale za 25 hadoŭ ja nie sabraŭ ničoha. Maju tolki adnu kropku maju».
12:14
Pradprymalniki kirujucca da prystupak Pałaca Respubliki. Adna maładaja žančyna kaža inšaj: «Oj, treba aby ŭ telekamieru nie trapić, bo maci zabje».
12:03
Pryjšoŭ Mikoła Statkievič. Jon kaža, što spadziajecca, što ŭsio projdzie mirna.
Razhortvajuć pieršuju raściažku «Za svabodu pradprymalnictva». Jaje prynios Aleś Taŭstyka.
Taŭstyka zaklikaje ŭ śpis patrabavańniaŭ dadać patrabavańnie rehistracyi telekanała «Biełsat», a taksama zaklikaje čakać pradstaŭnikoŭ z Administracyi prezidenta.
Pryjšli taksama Pavieł Sieviaryniec, a taksama aktyvist studenckaha ruchu Pavieł Siarhiej, archivist Źmicier Drozd.
12:01
Na płoščy ŭžo kala dvuchsot čałaviek — udzielnikaŭ pratestu. Mnoha ludziej siaredniaha vieku.
Ale taksama šmat i «ludziej u cyvilnym», jakija filmujuć usio na videa.
11:50
Padychodziać pradprymalniki, ich užo kala 50 čałaviek. Dziasiatki ahientaŭ-cicharoŭ stajać kala Pałaca Respubliki.
Pryjšoŭ Uładzimir Niaklajeŭ.
Pryjechała niekalki čałaviek ź Viciebska. Jany kažuć, što asablivaj nadziei niama, heta jak akcyja adčaju.
11:47
Niekalki pradprymalnikaŭ stajać na vychadzie ź mietro, ale nijak siabie nie prajaŭlajuć. Pakul ich nie bolš za dziejać.
Niekalki milicyjanieraŭ stajać na płoščy, kala Doma aficeraŭ — aŭtobus ź milicyjaj.
11.42
Pakul na Kastryčnikaj płoščy nikoha niama. Z abodvuch bakoŭ płoščy stajać supracoŭniki DPS. U centry Płoščy — śniehaŭboračnaja mašyna.
Spačatku pra mažlivaść akcyi pratestu ŭ Minsku zajaŭlaŭ lidar «Pierśpiektyvy» Anatol Šumčanka. Ale paśla zajavaŭ Łukašenki pra niemahčymaść sastupak ad akcyi jon admoviŭsia.
U svaju čarhu indyvidualny pradprymalnik, hramadski aktyvist Aleś Makajeŭ paprasiŭ handlaroŭ vyjści 15 lutaha a 12-j na Kastryčnickuju płošču stalicy.
«Usio zastajecca ŭ sile, moj zaklik da pradprymalnikaŭ prychodzić na płošču i padtrymka ludziej, jakija taksama suprać ukaza. Viedaju, što mianie padtrymali taksama palityki Mikałaj Statkievič, Anatol Labiedźka dy inšyja, pradprymalniki z roznych rehijonaŭ majuć namier pryjechać. My chočam, kab z nami ličylisia, kab da nas prysłuchalisia pa-sapraŭdnamu», — zajaviŭ ranicaj siońnia Aleś Makajeŭ radyjo «Svaboda».
Eks-palitviazień Mikałaj Statkievič, u svaju čarhu, zaklikaŭ padtrymać pradprymalnikaŭ, ale pastavić šyrejšyja patrabavańni.
«Zaklikaju ŭsich, chto nie žadaje być abrabavanym dziela ŭtrymańnia adnym čałaviekam ułady nad krainaj, uziać udzieł u akcyi 15 lutaha», — napisaŭ jon u siabie ŭ fejsbuku.
«Bajučysia za svaju ŭładu, [Łukašenka] nie pravodzić ekanamičnych reformaŭ, kab kantralavać ludziej na miescy pracy na nieefiektyŭnych dziaržaŭnych pradpryjemstvach. Kab atrymać padtrymku svajoj nieabmiežavanaj ułady z boku Maskvy, jon pryviazaŭ Biełaruś da rasijskaj syravinnaj ekanomiki. Ciapier, kali suśvietnaja ekanomika i susiednija z nami krainy ES demanstrujuć ustojlivy rost, biełaruskaja ekanomika razam z rasijskaj abrynułasia śledam za koštam nafty», — zajaviŭ Statkievič.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary