Ministerstva ŽKH patłumačyła istotnaje pavyšeńnie koštu kamunalnych pasłuh
Načalnik upraŭleńnia žyllovaj haspadarki Ministerstva žyllova-kamunalnaj haspadarki Andrej Ramaška ŭ efiry prahramy «Kontury» na kanale «ANT» patłumačyŭ, čamu tak paciaželi žyroŭki.
Jak adznačyŭ Andrej Ramaška, pavieličeńnie koštu kamunalnych pasłuh za studzień źviazana ź niekalkimi aśpiektami. «Heta nie tolki ŭ cełym pavyšeńnie taryfaŭ na žyllova-kamunalnyja pasłuhi. Asnoŭny faktar - 50 i bolš pracentaŭ — heta ŭmovy nadvorja. Kali ŭ śniežni siarednija tempieratury byli plusavyja, to ŭ studzieni adznačalisia marazy», - skazaŭ Ramaška.
U siarednim taryfy na pasłuhi žyllova-kamunalnaj haspadarki pavialičylisia na 5-30%. Taryf na vodazabieśpiačeńnie i vodaadviadzieńnie ŭ adnosinach da śniežnia pavialičyŭsia bolš čym u try razy. Razam z tym, pa słovach načalnika ŭpraŭleńnia, hety radok u sukupnym płaciažy nie zajmaje vialikuju dolu.
U studzieńskich žyroŭkach ŭviali novyja radki. Naprykład, «Sanitarnaje ŭtrymańnie dapamožnych pamiaškańniaŭ žyłoha doma». Kali žychary nie chočuć apłačvać hetuju pasłuhu, jany mohuć arhanizavać naviadzieńnie paradku ŭ miescach ahulnaha karystańnia samastojna. Dla hetaha treba zhoda ŭsich žycharoŭ padjezda i zaćviardžeńnie hrafika dziažurstvaŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes57
Kamientary