Міністэрства ЖКГ патлумачыла істотнае павышэнне кошту камунальных паслуг
Начальнік упраўлення жыллёвай гаспадаркі Міністэрства жыллёва-камунальнай гаспадаркі Андрэй Рамашка ў эфіры праграмы «Контуры» на канале «АНТ» патлумачыў, чаму так пацяжэлі жыроўкі.
Як адзначыў Андрэй Рамашка, павелічэнне кошту камунальных паслуг за студзень звязана з некалькімі аспектамі. «Гэта не толькі ў цэлым павышэнне тарыфаў на жыллёва-камунальныя паслугі. Асноўны фактар - 50 і больш працэнтаў — гэта ўмовы надвор'я. Калі ў снежні сярэднія тэмпературы былі плюсавыя, то ў студзені адзначаліся маразы», - сказаў Рамашка.
У сярэднім тарыфы на паслугі жыллёва-камунальнай гаспадаркі павялічыліся на 5-30%. Тарыф на водазабеспячэнне і водаадвядзенне ў адносінах да снежня павялічыўся больш чым у тры разы. Разам з тым, па словах начальніка ўпраўлення, гэты радок у сукупным плацяжы не займае вялікую долю.
У студзеньскіх жыроўках ўвялі новыя радкі. Напрыклад, «Санітарнае ўтрыманне дапаможных памяшканняў жылога дома». Калі жыхары не хочуць аплачваць гэтую паслугу, яны могуць арганізаваць навядзенне парадку ў месцах агульнага карыстання самастойна. Для гэтага трэба згода ўсіх жыхароў пад'езда і зацвярджэнне графіка дзяжурстваў.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары