Dziaržava robić krok nasustrač indyvidualnym pradprymalnikam. Ułady nie buduć admianiać 222-y ŭkaz i praceduru siertyfikacyi, ale hatovyja pajści na spraščeńnie biźnies-pracesaŭ dla indyvidualnych pradprymalnikaŭ. Pra heta raspaviała ŭ intervju prahramie «Niediela» telekanała STB 21 lutaha namieśnik ministra handlu Biełarusi, sustaršynia rabočaj hrupy pa prablemnych pytańniach indyvidualnych pradprymalnikaŭ Iryna Narkievič.
Jana raspaviała, što pradprymalnik u handlovym centry ci na rynku moža mieć da troch «kropak». Adpaviednyja orhany dazvolać mieć supravadžalnyja dakumienty na tavar tolki ŭ adnoj ź ich.
«Jak praviła, u jaho niedzie skancentravanyja dakumienty. Ciapier pa zakanadaŭstvie supravadžalnyja dakumienty pavinny być va ŭsich troch miescach. Navošta? My źnižajem hradus. My nie kažam, što nie pavinna być dakumientaŭ. My kažam, što my spraščajem. I kažam, što hetyja dakumienty pavinny być u adnym miescy «, - zajaviła jana.
Narkievič ličyć, što ciapier idzie praces «kryštalizacyi» pakieta supravadžalnych dakumientaŭ dla indyvidualnych pradprymalnikaŭ.
U intervju prahramie «Kontury» na ANT Narkievič zajaviła, što treba ŭsim razam pražyvać situacyju, jakaja skłałasia. Jana paviedamiła, što pa krainie nazirajecca pavieličeńnie pradprymalnikaŭ, što vyjšli na pracu ŭ paraŭnańni sa studzieniem. Usiaho ŭ Biełarusi pracuje 540 handlovych centraŭ.
U krainie dziejničajuć 240 tysiač indyvidualnych pradprymalnikaŭ, jakija zajmajucca nie tolki handlem, ale i vytvorčaściu, a taksama akazańniem bytavych pasłuh. Pra heta raspaviała jašče adzin sustaršynia rabočaj hrupy pa prablemnych pytańniach IP i namieśnik ministra ekanomiki Iryna Kaścievič. Namieśnik ministra ličyć, što pik napružańnia va ŭzajemaadnosinach IP i dziaržavy projdzieny.
Pavodle jaje słoŭ, ułady hatovyja pracavać ź IP stolki, kolki spatrebicca.
24 lutaha adbudziecca čarhovaje pasiadžeńnie rabočaj hrupy pa pytańniach pradprymalnikaŭ.
Nahadajem, z 1 studzienia ŭstupiŭ u siłu słavuty ukaz № 222, pa jakim pryvatnyja pradprymalniki pavinny pradavać tavary lehprama tolki z supravadžalnymi dakumientami. Mnohija pradstaŭniki małoha biźniesu z-za hetaha spynili pracu. Pa ich słovach, u ich niama mahčymaści pracavać pa novych praviłach.
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary