Za pahrozy stvaralnikam pačvarnaha rasijskaha «Kałabka» zaviali kryminalnuju spravu
Dziela «Kałabka» ŭ Rasii pieraniesłasia premjera novaha «Čałavieka-pavuka».
Z-za pahroz stvaralnikam rasijskaha filma «Kałabok» zaviali kryminalnuju spravu.
Sprava była raspačata za pahrozu zabojstvam abo pryčynieńniem ciažkaj škody zdaroŭju, vykazanuju publična (p. «v» č. 2 art. 119 KK RF), — za kamientary i asabistyja paviedamleńni stvaralnikam «Kałabka». Ciapier rasijskija siłaviki zojmucca pošukam ludziej, jakija pisali takija pahrozy, paviedamlaje kanał «Ostorožno, novosti».
Raniej režysior karciny Anton Masłaŭ zajaviŭ, što na praciahu dvuch tydniaŭ atrymaŭ u asabistych paviedamleńniach pahrozy i praklony, a nieviadomyja pišuć pahrozy jaho žoncy i siamji.
Telekanał «Rośsija-24» (adzin sa sponsaraŭ «Kałabka») źviarnuŭsia ŭ prakuraturu i SK Rasii praz pahrozy ŭ adras zdymačnaj hrupy «Kałabka». «Stvaralniki filma raptoŭna dla siabie stali mišeniami dla ananimnych zvankoŭ i paviedamleńniaŭ z pahrozami. Im i ich siemjam žadali śmierci, abiacali spalić majomaść», — paviedamiŭ žurnalist VHTRK Eduard Piatroŭ.
Kamientary