Alaksandr Łukašenka raskrytykavaŭ prapanovy ŭrada, realizacyja jakich moža pryvieści da rostu cenaŭ u Biełarusi. Pra heta siońnia kiraŭnik dziaržavy zajaviŭ pierad tym, jak zasłuchać dakład ab padatkovaj i akcyznaj palitycy ŭ 2016 hodzie.
Siarod prapanavanych navacyj — admiena lhot pa PDV prykładna pa 35 pazicyjach charčovych tavaraŭ, pačynajučy ad małaka, miasa i zakančvajučy dziciačym charčavańniem. Jon padkreśliŭ, što taki krok pryviadzie da nieminučaha rostu cenaŭ, i nie fakt, što miera pojdzie na karyść biudžetu. «Jak upadzie popyt, tavaraabarot, što i adbyvajecca. I jakija my dyvidendy atrymajem u biudžet, jakija miljardy zekanomim? Dy nijakich! Prosta pakryŭdzim ludziej, pluniem im u dušu, i jany adviernucca ad ułady. Navošta heta treba?» — skazaŭ Alaksandr Łukašenka.
Jon nahadaŭ ab dadzienaj raniej ustanoŭcy: rost cenaŭ pavinien kampiensavacca pavieličeńniem dachodaŭ nasielnictva. «U nas ža łozunh jaki byŭ? Rost cenaŭ budzie. My nikudy nie padzieniemsia, my siarod dziaržaŭ, dzie ceny vyšej. Tamu ŭsio roŭna pryjdziecca padładžvacca pad ich. U advarotnym vypadku budzie vymyvacca tavar. Ale my tady zajavili, što rost cenaŭ pavinien być spačatku kampiensavany rostam dachodaŭ nasielnictva», — praciahnuŭ kiraŭnik dziaržavy.
«U nas što, dachody nasielnictva ŭ hety čas vyraśli? Nie. A my pavyšajem ceny», — raskrytykavaŭ prapanovu Alaksandr Łukašenka. Da ŭsiaho, miera z admienaj lhot pa PDV moža pryvieści da rostu cen na tavary dla dziaciej, adbicca na dabrabycie sacyjalna nieabaronienych słajoŭ nasielnictva.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary