FM-stancyja paradavała słuchačoŭ novym prajektam pra polskuju kulturu. Uvaha słuchačoŭ była takoj vialikaj, što na telefonnaj stancyi pačała davać zboi aparatura ad kolkaści zvankoŭ u studyju.
16 krasavika a 10-j ranicy ŭ etery prahučaŭ sumiesny prajekt Polskaha radyjo ź biełaruskimi partnerami. Viali pieradaču śpiavak Źmicier Vajciuškievič i žurnalist biełaruskaj redakcyi polskaha radyjo Valera Saŭko.
V. Saŭko: Pieradača vyjšła ŭ mienskim efiry roŭna a 10‑j ranicy. Ciaham hadziny eteru my raspaviali pra polskuju kulturu, biełaruska‑polskaje kulturnaje supracoŭnictva, a taksama pra biełaruskija mierapryjemstvy, jakija adbyvajucca ŭ Polščy. Padrabiazna pra imprezy, arhanizavanyja ŭ Miensku dy inšych haradach Biełarusi Polskim instytutam, raspavioŭ kaardynatar prajektaŭ zhadanaj ustanovy Alaksiej Maciušonak.
Słuchačy taksama mieli mahčymaść vyjhrać padarunki ad Polskaha radyjo — dla hetaha treba było prosta adkazać na niaciažkaje pytańnie. A telefanavańniaŭ było šmat — na radyjo navat pazvanili z telefonnaj stancyi j paviedamili, što aparatura pačała davać zboi! A jašče było šmat polskaj sučasnaj muzyki — słuchačam jana vielmi spadabałasia. Paśla pieradačy jany telefanavali j sprabavali daviedacca, dzie možna nabyć dyski. Adnym słovam, było pryjemna, momantami viesieła j napeŭna karysna.
«Aŭtaradyjo» viadomaje svaim niezvyčajnym farmatam — 20 chvilin. Kožnuju tracinu hadziny styl i farmat muzyki mianiajucca. Vialikaja ŭvaha nadajecca j biełaruskaj muzycy, u tym liku niezaležnym vykanaŭcam, jakimi počastu hrebujuć na inšych stancyjach. Słuchačam dobra viadomyja biełaruskamoŭnyja pieradačy «Kala roku» — kudy na niazmušanuju razmovu zaprašajucca biełaruskija rok-muzyki, dy «Prostyja słovy» — prahrama pa zajaŭkach, vykonvaje jakija Źmicier Vajciuškievič.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary