Kiraŭnik KDK raskazaŭ, što budzie z «kamunałkaj», i pryznaŭsia, što na skandalnuju naradu ŭ Łukašenki prynios svaje žyroŭki
Kiraŭnik Kamiteta dziaržkantrolu Leanid Anfimaŭ ŭ pieradačy «Hałoŭny efir» telekanała «Biełaruś-1» raspavioŭ, što budzie z taryfami na pasłuhi ŽKH, i pryznaŭsia, što na skandalnuju naradu na minułym tydni, dzie na rabotnikaŭ ŽKH abrynuŭsia kiraŭnik dziaržavy, nasiŭ svaje žyroŭki.
«Sotni tysiač siemjaŭ akazalisia ŭ takoj situacyi», — aburyŭsia Anfimaŭ rezkamu rostu taryfaŭ. A situacyja hetaja, upeŭnieny jon, vytłumačalnaja pierš za ŭsio «biezadkaznaściu źvierchu danizu» pa ŭsioj žyllova-kamunalnaj śfiery.
Kiraŭnik KDK raskazaŭ, što kali staviłasia pytańnie ab pavyšeńni taryfaŭ na pasłuhi, havorka išła ab pavyšeńni na 30%, heta značyć, zychodziačy z daŭniaha nakazu prezidenta — rost koštu pasłuh ŽKH nie pavinien pieravyšać 5 dalaraŭ u hod. «Treba było hetyja piać dalaraŭ padzialić pa kankretnych vidach pasłuh. Hetaha zroblena nie było», — aburyŭsia Anfimaŭ, dadaŭšy, što «na miescach pačałasia čacharda». «Mnohija taryfy ŭstalavali nie raźlikovym mietadam, a sa stoli», — pryznaŭ jon.
Pieršyja pravierki ŭ rehijonach pakazali, što ŭ Mahiloŭskaj vobłaści nasielnictva pierapłaciła 550 młn rubloŭ, u Breście z-za niasłušnaha naličeńnia pa hrafie «techabsłuhoŭvańnie» - na nasielnictva za niekatoryja pasłuhi zapłaciła dvojčy, pierapłaciŭšy ŭ vyniku 990 młn rubloŭ.
«Ale heta charakterna dla ŭsioj krainy», — pryznaŭ kiraŭnik KDK.
Anfimaŭ raspavioŭ, što kryminalnyja spravy pa faktach nieabhruntavanaha zavyšeńnia zaviedzienyja ŭ dačynieńni da roznych śpiecyjalistaŭ, ad supracoŭnikaŭ Ministerstva žyllova-kamunalnych pasłuh da śpiecyjalistaŭ na miescach.
Kiraŭnik KDK pryznaŭ, što surjoznaj prablemaj zaraz zastajecca pierakryžavanaje subsidavańnie, z-za jakoha my možam «padsadzić» našy pradpryjemstvy. Anfimaŭ paabiacaŭ pradprymać kroki pa ŭzmacnieńni sacyjalnaj abarony, u tym liku praz pavieličeńnie zarobkaŭ i piensij. Jon taksama padkreśliŭ, što, jak i abiacaŭ prezident, taryfy, sfarmavanyja da 1 sakavika, zastanucca niaźmiennymi da admysłovaha rašeńnia kiraŭnika dziaržavy.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary