Heta praduhledžana pastanovaj Savieta Ministraŭ numar 172 ad 2 sakavika 2016 hoda, paviedamili ŭ pres-słužbie biełaruskaha ŭrada.
U metach aptymizacyi kredytavańnia dziaržaŭnych prahram i mierapryjemstvaŭ bankami i AAT «Bank raźvićcia Respubliki Biełaruś» uniesieny źmianieńni ŭ ahulnyja napramki i limity dyrektyŭnaha kredytavańnia, napramki i limity dyrektyŭnaha kredytavańnia bankami, a taksama ŭ płan finansavańnia Bankam raźvićcia dziaržaŭnych prahram i mierapryjemstvaŭ u 2016 hodzie.
U pryvatnaści, źmianieńni zakranuli karekciroŭku abjomaŭ finansavańnia dyrektyŭnaha kredytavańnia dziaržprahram i mierapryjemstvaŭ u 2016 hodzie za košt pavieličeńnia limitaŭ finansavańnia na biahučuju dziejnaść arhanizacyj ahrapramysłovaha kompleksu na Br1 trłn 505,1 młrd. Źmienšany abjom kredytnych resursaŭ na kredytavańnie arhanizacyj ahrapramysłovaha kompleksu na kapitalnyja raschody na Br335,9 młrd, arhanizacyj realnaha siektara ekanomiki na kapitalnyja raschody - na Br1 trłn 116,2 młrd, fizičnych asob - na Br53 młrd.
Pieraraźmierkavańnie nazvanych abjomaŭ kredytnych resursaŭ budzie ažyćcioŭlena za košt pavieličeńnia resursaŭ AAT «Biełahraprambank» i źmianšeńnia resursaŭ AAT «AAB Biełarusbank» i AAT «Bank raźvićcia Respubliki Biełaruś».
Pastanova ŭstupaje ŭ siłu paśla aficyjnaha apublikavańnia i raspaŭsiudžvaje svajo dziejańnie na adnosiny, jakija ŭźnikli z 1 studzienia 2016 hoda.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary