Vakulčyk: Kali ty trapiŭ na fota z prezidentam, to abaviazany być kryštalna čysty pierad zakonam
Kali čałaviek trapiŭ u adzin kadr z kiraŭnikom Biełarusi, to heta nakładaje asablivyja patrabavańni i adkaznaść, zajaviŭ siońnia žurnalistam staršynia KDB Valeryj Vakulčyk.
«Mnohija ličać, što kali čałaviek trapiŭ u kadr z kiraŭnikom dziaržavy abo hulaje ź im u chakiej, to tut pavinien być niejki asablivy padychod. U hetym płanie chaču skazać adnaznačna, i ja ŭpeŭnieny, što maju racyju: asablivy padychod zaklučajecca ŭ tym, što da hetych ludziej asablivyja patrabavańni i asablivaja adkaznaść. Jany pavinny nieści hetu adkaznaść udvaja abo navat utraja. Kali ty źjaviŭsia pobač z kiraŭnikom dziaržavy, to abaviazany być kryštalna čysty pierad zakonam», — zajaviŭ kiraŭnik KDB. Na jaho dumku, ludzi, pra jakich jon havoryć, viedajuć heta.
«Čyž nie ŭvachodzić u kadravy rejestr kiraŭnika dziaržavy, i dla jaho zatrymańnia i raspačaćcia spravy adnosna jaho sankcyja kiraŭnika dziaržavy nie patrabujecca. Usio prymałasia vielmi chutka. Ja viedaŭ, što nie mahu pryniać miery pa zatrymańni biez najaŭnaści na toje padstaŭ. Rašeńnie prymałasia mnoj», — skazaŭ Valeryj Vakulčyk.
«Kali b nie było mnoj pryniata rašeńnie, kali było b paturańnie z majho boku, ja adkazvaŭ by sam i moh by akazacca na miescy, na jakim akazaŭsia Čyž», — zrabiŭ akcent kiraŭnik kamiteta.
Kamientary