Struktura «Hazproma» adnaviła ŭ sakaviku ekspart naftapraduktaŭ u Biełaruś paśla amal poŭnaha prypynieńnia ŭ lutym. Spynić pastaŭki prasiŭ vice-premjer RF Arkadź Dvarkovič.
Pa dadzienych čyhunačnych ekśpiedytaraŭ, TAA «Pradpryjemstva pramysłovaha čyhunačnaha transpartu» (uvachodzić u «Hazprom») ekspartavała z pačatku sakavika ŭ Biełaruś 8,5 tys t. dystylatu hazavaha kandensatu (moža vykarystoŭvacca jak dyzielnaje paliva i pry vytvorčaści vysokaaktanavaha bienzinu). U lutym kampanija ekspartavała ŭsiaho 1,9 tys. t., a ŭ studzieni — 15 tys. t.
Źnižeńnie ekspartu ŭ lutym, chutčej za ŭsio, tłumačycca vynikami pasiadžeńnia uradavaj kamisii pa paliŭna-enierhietyčnym kompleksie (PEK) Jaje staršynia, vice-premjer Arkadź Dvarkovič rekamiendavaŭ «Hazpromu» i «Tatniefci» prypynić pastaŭki naftapraduktaŭ u Biełaruś, a Minenierha, Minfinu i Fiederalnaj mytnaj słužbie (FMS) daručyŭ razabracca ŭ pryčynach rezkaha pavieličeńnia pastavak daččynymi pradpryjemstvami «Tatniefci» i «Hazproma», vynikaje z kopii pratakołu kamisii.
«Dačka» «Tatniefci» TAA «Tatniefć-Trans» naohuł nie ekspartavała naftapradukty ŭ Biełaruś u lutym, śviedčać dadzienyja ekśpiedytaraŭ. Dadzienych pa pastaŭkach «Tatnafta-Trans» u sakaviku pakul niama.
Pradstaŭnik «Hazproma» skazaŭ RBK, što daččynyja pradpryjemstvy manapolii kampanija pavialičyli pastaŭki naftapraduktaŭ u Biełaruś u 2015 hodzie ŭ suviazi z spryjalnaj kańjunkturaj. Adnaŭleńnie pastavak u sakaviku pradstaŭnik kamientavać admoviŭsia. U «Tatniefci» situacyju pakul nie kamientujuć.
Kamientary