Namieśnik premjer-ministra Biełarusi Anatol Kalinin padpisaŭ ŭradavuju telehramu z daručeńniem respublikanskim orhanam dziaržaŭnaha kiravańnia i miascovym uładam pryniać dadatkovyja miery ŭ suviazi z tym, što na terytoryi krainy 18—20 sakavika čakajucca niespryjalnyja mietearałahičnyja ŭmovy, paviedamlaje pres-słužba MNS.
Pavodle prahnozu Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa, u najbližejšyja dni na bolšaj častcy terytoryi krainy čakajecca ŭzmacnieńnie vietru paryvami da 18 m/s, panižeńnie tempieratury pavietra da minus 9°S u načny čas (da minus 12°S pry prajaśnieńniach), a taksama mocnyja apadki (u asnoŭnym u vyhladzie mokraha śniehu, miescami da 17 sm).
Kalinin daručyŭ uzmacnić avaryjnyja i dziažurna-dyśpietčarskija słužby i zabiaśpiečyć apieratyŭnuju likvidacyju nastupstvaŭ mahčymych nadzvyčajnych situacyj, u tym liku svoječasovuju rasčystku aŭtamabilnych daroh, padjaznych šlachoŭ da sielskich nasielenych punktach, budynkaŭ i zbudavańniaŭ sielskahaspadarčaha pryznačeńnia.
Pradpisana taksama sfarmavać mabilnyja bryhady dla apieratyŭnaj likvidacyi nastupstvaŭ padzieńnia dreŭ na darohi ahulnaha karystańnia i linii elektrapieradačy, zabiaśpiečyć hatoŭnaść aŭtanomnych krynic elektrazabieśpiačeńnia, prymać apieratyŭnyja miery pa likvidacyi avaryj na elektrasietkach, pa ŭmacavańni kanstrukcyj budynkaŭ i zbudavańniaŭ, likvidacyi avaryjnych dreŭ.
Daručana infarmavać žycharoŭ krainy praź ŚMI «ab stanoviščy, što składvajecca, a taksama pa pytańniach arhanizacyi biaśpieki žyćciadziejnaści».
Kamientary