«Jazyk i Jazykavieda» i «Kryŭja-Biełaruś u minułaści».
Redakcyja časopisa Arche prapanuje dva asobniki knih Jana Stankieviča pa źnižanych cenach. Knihi «Jazyk i jazykavieda» i «Kryŭja-Biełaruś u minułaści» majuć źniešni defiekt (jany byli paškodžanyja vadoj), ale całkam čytelnyja.
Hetaja kniha stanović saboj druhoje, istotna pierapracavanaje vydańnie linhvistyčnych prac viadomaha biełaruskaha filolaha-purysta Jana Stankieviča (1891 – 1976) (pieršaje vyjšła ŭ 2002 h. i mieła nazvu «Jan Stankievič. Zbor tvoraŭ u dvuch tamach»). Pracy datyčać praktyčna ŭsich halinaŭ biełaruskaj movy: fanetyki, fanalohii, artaepii, marfalohii i syntaksu, słovaŭtvareńnia i leksykalohii, anamastyki, frazealohii, dyjalektalohii, etymalohii, moŭnaj stylistyki i leksyčnaj semantyki, linhvistyčnaj terminalohii, linhvahieahrafii i h. d. Teksty vykananyja ŭ raznastajnych formach: karotkaj hazetnaj zaciemki, razhornutaha navukovaha analizu, palemičnaha narysu, interdyscyplinarnaha humanitarnaha daśledavańnia, krytyčnaha vodhuku, knižnaha ahladu, tezisnaj pastanoŭki prablemy i navat intelektualnaj pravakacyi.
Vydańnie zabiaśpiečana padrabiaznym kamentarom aŭtarstva Jurja Paciupy, jaki ŭvodzić čytača ŭ kantekst biełaruskaha moŭnaha puryzmu za cełaje stahodździe. Kamentar maje na mecie pakazańnie jak słabych, tak i mocnych aŭtaravych miescaŭ, šyrejšaje razhortvańnie niekatorych aktualnych temaŭ biełaruskaje movy, a taksama razbureńnie stereatypnaha ŭjaŭleńnia pra samotnaść postaci Ja. Stankieviča, «ekzatyčnaść» jahonych ujaŭleńniaŭ pra movu.
Cana asobnika 149.000 rubloŭ.
U tom uvajšli histaryčnyja tvory Jana Stankieviča (1891—1976), napisanyja pamiž 1930 i 1976 hadami. Pieravažnaja balšynia apublikavanych tvoraŭ była raniej niedastupnaja biełaruskamu čytaču.
Cana asobnika — 99.000 rubloŭ.
Infarmacyja pra toje, jak zdabyć zhadanyja vyšej vydańni, jość na sajcie časopisa Arche.
Kamientary