Ilustratyŭnaje fota: rasijskija śpiecnazaŭcy ŭ Siryi.
U rajonie Palmiry zahinuŭ aficer rasijskich sił śpiecyjalnych apieracyj. Pra heta paviedamlajuć rasijskija infarmacyjnyja ahienctvy sa spasyłkaj na pradstaŭnika punkta bazavańnia Chmiejmim.
Pavodle jaho słoŭ, vajskoviec zahinuŭ padčas vykanańnia zadačy pa naviadzieńni avijaŭdaraŭ. «Vajskoviec pa-hierojsku zahinuŭ, vyklikaŭšy ahoń na siabie, paśla taho jak byŭ znojdzieny terarystami i akružany», — raskazali ŭ Chmiejmimie.
Raniej paviedamlałasia, što Palmiru vyzvaliła siryjskaja armija.
Palmira praciahły čas znachodziłasia pad kantrolem terarystaŭ z «Isłamskaj dziaržavy».
Rasija paviedamlała, što jaje Vajskova-kaśmičnyja siły z 20 pa 23 sakavika ździejśnili 41 vylet u rajonie Palmiry i nanieśli 146 udaraŭ pa abjektach isłamistaŭ.
Kamientary