U Biełarusi za vyrab «kaktejla Mołatava» budzie pahražać da 5 hadoŭ turmy
U Biełarusi za vyrab, zachoŭvańnie, pieravozku, pierasyłku, pieradaču i našeńnie «kaktejla Mołatava» budzie pahražać da 5 hadoŭ turmy. Ministerstva ŭnutranych spraŭ prapanavała ŭnieści adpaviednyja dapaŭnieńni ŭ artykuł 295-y Kryminalnaha kodeksu. Pra heta ŭ intervju haziecie «SB. Biełaruś siehodnia» paviedamiŭ Mikałaj Karpiankoŭ, načalnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
Pavodle jaho słoŭ, «pradmiety, paražajučaje dziejańnie jakich zasnavana na vykarystańni haručych rečyvaŭ» było prapanavana adnieści da razradu zbroi. Kali dapaŭnieńni buduć uniesienyja, čałavieka z butelkaj z zapalnaj vadkaściu ŭ Biełarusi čakaje štraf, papraŭčyja pracy ci pazbaŭleńnie voli terminam da 2 hadoŭ. Kali ž sud vyrašyć, što była papiaredniaja zmova albo recydyŭ, to asobaŭ, datyčnych da «kaktejla Mołatava», čakaje ad 3 da 5 hadoŭ pazbaŭleńnia voli.
Taksama Karpiankoŭ zajaviŭ pra namier ukaranić pieradavy vopyt Hruzii.
«Adzin z artykułaŭ KK hetaj krainy praduhledžvaje pazbaŭleńnie voli da 6 hadoŭ dla asob, jakija majuć status złodzieja ŭ zakonie. Karanavany złačyniec, paćviardžaje svoj zładziejski status? Tady idzi za kraty jak udzielnik arhanizavanaj złačynnaj hrupy, pradstaŭnik zładziejskaha śvietu. My chočam hetuju častku hruzinskaha Kryminalnaha kodeksa ŭziać sabie na ŭzbrajeńnie. Kab zładziejskaje žyćcio nie vyhladała ramantyčna i pryvabna, kab maładyja ludzi viedali: złodziej u zakonie — izhoj u našym hramadstvie, a jaho status prydumany, kab lahčej było rabavać narabavanaje», — skazaŭ Karpiankoŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary