Kala rezidencyi Uładzimira Pucina na Vałdai pierakryli 90 kiłamietraŭ fiederalnaj trasy
Fiederalnaja trasa M-11 pierakrytaja ŭ Ćviarskoj vobłaści, paviedamili vidavočcy vydańniu «Ostorožno, novosti». Pavodle danych kart Google, daroha pierakrytaja na praciahu niekalkich dziasiatkaŭ kiłamietraŭ vakoł rezidencyi Uładzimira Pucina na Vałdai.
Ruch pa płatnaj trasie pierakryty ŭ abodvuch napramkach. U rajonie vioski Kałomna ŭ Ćviarskoj vobłaści ŭtvaryŭsia zator. Supracoŭniki DPS nie tłumačać pryčynu pierakryćcia, raskazali vidavočcy.
Pierakryćcio darohi zafiksavaŭ kartahrafičny servis Google, jaki abahulniaje aficyjnyja danyja ab ruchu i infarmacyju ad karystalnikaŭ. Pavodle servisu, infarmacyja pra pierakryćcio była paćvierdžana prykładna a 11‑j hadzinie.
Pierakryty ŭčastak, adznačany na kartach Google, maje praciahłaść kala 90 km. Jon prachodzić praz rajon, dzie znachodzicca aficyjnaja rezidencyja Pucina na Vałdai.
Pavodle danych Google, ruch budzie pierakryty da 17:00.
Rasijskija servisy «Jandeks Karty» i 2GIS nie paviedamlajuć pra pierakryćcio trasy, adnak fiksujuć zator u rajonie Kałomny, dzie, pavodle Google Maps, pačynajecca pierakryty ŭčastak. 2GIS taksama adznačaje zator u rajonie horada Akułaŭka, dzie, zhodna z kartami Google, pierakryćcio zakančvajecca.
Na pačatku červienia stała viadoma pra źjaŭleńnie sietak nad parkoŭkami hruzavikoŭ u Vałdajskim rajonie Naŭharodskaj vobłaści. Zasnavalnik daśledčaj hrupy Conflict Intelligence Team Rusłan Levijeŭ vykazaŭ mierkavańnie, što jany patrebnyja dla praduchileńnia paŭtoru apieracyi «Pavucińnie», kali bieśpiłotniki ŭźlatali z hruzavikoŭ.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary