Prezident RF Uładzimir Pucin abviaściŭ pra stvareńnie Nacyjanalnaj hvardyi z Unutranych vojskaŭ MUS, paviedamiła ahienctva Interfaks.
«Rašeńnie pryniataje, my stvarajem novy fiederalny orhan vykanaŭčaj ułady na bazie Unutranych vojskaŭ MUS, stvarajem Nacyjanalnuju hvardyju, jakaja budzie zajmacca baraćboj z teraryzmam, arhanizavanaj złačynnaściu, u ciesnym kantakcie z MUS praciahnie vykonvać tyja funkcyi, jakija vykonvali padraździaleńni AMAP, SABR i h.d.», — skazaŭ Pucin.
Jon skazaŭ, što ideja takaja ŭžo razhladałasia.
Imavierna, takim čynam u skład Nacyjanalnaj hvardyi patrapiać usie «bajavyja» častki, jakija majuć vysokuju ahniavuju moc i mohuć vykarystoŭvacca suprać uzbrojenych złačynnych hrupovak, demanstrantaŭ ci ŭ bajavych umovach.
Ź viasny 2014 hoda rasiejskija ŚMI ŭściaž krytykavali termin «Nacyjanalnaja hvardyja», bo tady jana była arhanizavanaja va Ukrainie taksama na bazie Unutranych vojskaŭ dla zmahańnia z prarasijskimi bajevikami.
Kamientary